વારાણસી: લોહટા પોલીસ સ્ટેશન વિસ્તારના બંકટ ગામમાં મંગળવારે સવારે 30 વર્ષીય રાહુલ મિશ્રાનો મૃતદેહ તેના રૂમમાં પંખાથી લટકતો મળી આવતા સનસનાટી ફેલાઈ ગઈ હતી. મૃતદેહને જોઇને પરિવારના સભ્યોએ કલ્પાંત કર્યું. ઘટનાની જાણ પોલીસને થતા સ્થળ પર પહોંચીને મૃતદેહ કબ્જે કરીને પોસ્ટમોર્ટમ માટે મોકલી આપ્યો હતો. મૃતકની માતાની ફરિયાદ પર રાહુલની પત્ની તેના કથિત પ્રેમી શુભમ સિંહ ઉર્ફે ડેન્જર અને સાસુ વિરુદ્ધ આત્મહત્યા માટે ઉશ્કેરણીનો કેસ નોંધવામાં આવ્યો છે.
પોલીસ તપાસ દરમિયાન, રાહુલના મોબાઇલમાંથી 7 મીનિટ 29 સેકન્ડનો હૃદયદ્રાવક વીડિયો મળી આવ્યો હતો, જે તેણે આત્મહત્યા કરતા થોડા કલાકો પહેલા રેકોર્ડ કર્યો હતો. રાહુલ પોતાની અગ્નિપરીક્ષાનું વર્ણન કરે છે, જેમાં વર્ણવે છે કે કેવી રીતે તેની પત્ની તેની સાથે છેતરપિંડી કરી રહી છે અને તેને તેના બાળકને મળવાથી રોકી રહી છે. આત્મહત્યા કરતા પહેલાના તેના અંતિમ વીડિયોમાં રાહુલ મિશ્રાએ રડતા રડતા કહ્યું છે કે હું મરવા માંગતો નથી.પણ હવે જીવવાનું કોઈ કારણ નથી.
મારી પત્ની શુભમ સાથે અફેર ચલાવી રહી છે
મારી પત્ની શુભમ સિંહ સાથે અફેર ધરાવે છે, જેને ડેન્જર તરીકે પણ ઓળખવામાં આવે છે. મેં તેને વારંવાર કહ્યું છે કે તે આવું ન કરે, પણ તે ના પાડે છે. જ્યારે હું બાળકને મળવા જાઉં છું, ત્યારે તે મને તેને મળવા દેવાની ના પાડે છે. મારી સાસુએ તેને ઉશ્કેરી હતી અને મારો નંબર પણ બ્લોક કરી દીધો છે. મારા સસરા માનસિક રીતે અસ્થિર છે. હું મારી પત્ની અને બાળકને ખૂબ પ્રેમ કરું છું, પણ હવે હું આ અલગતા સહન કરી શકતો નથી.
છોકરીઓ હંમેશા સાચી હોતી નથી
રાહુલે કહ્યું કે તે ભારે દેવા અને કામના દબાણથી દબાયેલો હતો. તેની પત્નીએ પણ તેની સામે ઘણી ખોટી ફરિયાદો નોંધાવી હતી. જેના કારણે વારંવાર પોલીસ સ્ટેશનની મુલાકાત લેવી પડતી હતી, પરંતુ તેણે હજુ પણ તેની પત્નીને સ્વીકારવા માંગતો હતો. વીડિયોના અંતે તે પુરુષો દ્વારા થતા અન્યાય વિશે પણ બોલે છે. રાહુલે કહ્યું, 2014 થી પુરુષોના અવાજોને અવગણવામાં આવ્યાં છે. છોકરીઓ હંમેશા સાચી હોતી નથી. IPC ની કલમ 498A માં સુધારાની સખત જરૂર છે.
પાંચ વર્ષ પહેલાં પ્રેમ લગ્ન કર્યા હતા. રાહુલે પાંચ વર્ષ પહેલાં લખનપુરમાં એક અલગ સમૂદાયની છોકરી સાથે લગ્ન કર્યા હતા. મંગળવારે સવારે તેનો મૃતદેહ તેના રૂમમાં ફાંસીથી લટકતો મળી આવ્યો હતો. રાહુલની માતાની ફરિયાદના આધારે તેની પત્ની, તેના પ્રેમી શુભમ સિંહ ઉર્ફે ડેન્જર અને તેની સાસુ વિરુદ્ધ ભારતીય દંડ સંહિતાની સંબંધિત કલમો હેઠળ કેસ દાખલ કરવામાં આવ્યો છે.
રાહુલનો વીડિયો ઝડપથી વાયરલ થઈ રહ્યો છે. પોલીસે જણાવ્યું કે વીડિયોની તપાસ કરવામાં આવી રહી છે અને ટૂંક સમયમાં આરોપીઓની પૂછપરછ કરવામાં આવશે. આ કેસ ફરી એકવાર ઘરેલુ હિંસા અને પુરુષો સંબંધિત કાનૂની જોગવાઈઓ અંગે ચર્ચા જગાવી છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
