વોશિંગ્ટન: અબજોપતિ અને ટેકનોલોજી ઉદ્યોગપતિ એલોન મસ્કે યુએસ રાષ્ટ્રપતિ ડોનાલ્ડ ટ્રમ્પ વહીવટના DOGE વિભાગને છોડવાનો નિર્ણય લીધો છે. આ વિભાગ ટ્રમ્પનું કોસ્ટ કટિંગ ટાસ્ક ફોર્સ હતું, જેની સાથે મસ્કે તેમના જોડાણનો અંત લાવવાની જાહેરાત કરી છે. મસ્કે બુધવારે રાત્રે તેમના સોશિયલ મીડિયા પ્લેટફોર્મ X પર એક પોસ્ટ દ્વારા આ માહિતી શેર કરી હતી.
બુધવારે સાંજે તેમની વિદાયની જાહેરાત કરવામાં આવી હતી. ટ્રમ્પ વહીવટીતંત્રમાંથી તેમની વિદાય એક તોફાની પ્રકરણનો અંત દર્શાવે છે જેમાં હજારો છટણીઓ, સરકારી એજન્સીઓનું વિસર્જન અને અસંખ્ય મુકદ્દમાઓનો સમાવેશ થાય છે. તેમને યુએસ સરકારના કરોડો ડોલર બચાવ્યાં છે.
મસ્ક અને ટ્રમ્પ વચ્ચેના મતભેદો સામે આવ્યાં
એલોન મસ્કને આ વિભાગમાં વિશેષ સરકારી કર્મચારી તરીકે નિયુક્ત કરવામાં આવ્યા હતા, જેના કારણે તેમને વર્ષમાં 130 દિવસ ફેડરલ સેવામાં સેવા આપવાની મંજૂરી મળી હતી. ટ્રમ્પે 20 જાન્યુઆરીએ શપથ લીધા ત્યારે મસ્કની સરકારી સેવા ઘડિયાળ ટિક ટિક શરૂ થઈ હતી, હવે તે મર્યાદા મેના અંતમાં સમાપ્ત થઈ રહી છે. મસ્કના આ નિર્ણય પાછળ એક મહત્વપૂર્ણ કારણ છે. રાષ્ટ્રપતિ ટ્રમ્પનું બહુચર્ચિત અને વિવાદાસ્પદ બજેટ બિલ. આ બજેટમાં બહુ-ટ્રિલિયન ડોલરની કર છૂટ અને સંરક્ષણ ખર્ચમાં મોટો વધારો પ્રસ્તાવિત છે, જેના વિશે મસ્કે જાહેરમાં પોતાની નારાજગી વ્યક્ત કરી હતી.તેમણે કહ્યું કે આ બિલ દેશની ફેડરલ ખાધમાં વધારો કરશે અને બચત અને કાર્યક્ષમતા તરફના DOGE ના પ્રયાસોને નબળા પાડશે.
DOGE હવે પછીનો વિચાર બનવો જોઈએ
પોતાના વિદાય સંદેશમાં મસ્કે લખ્યું, ખાસ સરકારી કર્મચારી તરીકેની મારી સેવા સમાપ્ત થઈ રહી છે. બિનજરૂરી ખર્ચ ઘટાડવાની તક આપવા બદલ હું રાષ્ટ્રપતિ ડોનાલ્ડ ટ્રમ્પનો આભાર માનું છું. જ્યારે DOGE સરકારી કામગીરીનો ભાગ બનશે ત્યારે તેમનું મિશન સમય જતાં મજબૂત બનશે.
ટેસ્લા પર અસર, રાજકારણથી અંતર
મસ્કની સરકારી ભૂમિકાએ તેમને ટ્રમ્પના સૌથી નજીકના સલાહકારોમાંના એક બનાવ્યાં, પરંતુ તેમણે તેમના મુખ્ય વ્યવસાય, ટેસ્લામાં તેની કિંમત ચૂકવી. કંપનીના નફામાં ઘટાડો થયો છે અને મસ્કે તાજેતરમાં રોકાણકારોને ચેતવણી આપી હતી કે બદલાતા રાજકીય વાતાવરણ ઇલેક્ટ્રિક કારની માંગને પણ અસર કરી શકે છે. ગયા મહિને એક રોકાણકાર કોલમાં, મસ્કે કહ્યું હતું કે હવે તેઓ DOGE માટે ફાળવવામાં આવતા સમયને નોંધપાત્ર રીતે ઘટાડશે અને ટેસ્લા પર વધુ ધ્યાન કેન્દ્રિત કરશે.
As my scheduled time as a Special Government Employee comes to an end, I would like to thank President @realDonaldTrump for the opportunity to reduce wasteful spending.
— Elon Musk (@elonmusk) May 29, 2025
The @DOGE mission will only strengthen over time as it becomes a way of life throughout the government.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
