આણંદઃ આંકલાવ તાલુકામાં 5 વર્ષની માસૂમ બાળકી પર બળાત્કાર કરીને ક્રૂરતાથી હત્યા કરી નાખવામાં આવી હોવાની સનસનીખેજ ઘટના સામે આવી છે. બાદમાં માસૂમની લાશ નદીમાં ફેંકી દેવામાં આવી હતી.આ ઘટનાથી સમગ્ર વિસ્તારમાં સનસનાટી મચી ગઈ છે અને લોકોમાં ભારે ગુસ્સો છે.
ઘરની બહારથી માસૂમ બાળકી ગુમ થઈ હતી
આ બનાવ નવાખલ ગામનો છે. શનિવારે સાંજે 5 વર્ષની માસૂમ બાળકી ઘરની બહાર રમી રહી હતી. પછી અચાનક તે ગુમ થઈ ગઈ હતી. પરિવારે ઘણી શોધખોળ કરી, પરંતુ તે મળી નહીં, પોલીસે તપાસ શરૂ કરી અને એક શંકાસ્પદ યુવાનની અટકાયત કરી હતી. પૂછપરછ દરમિયાન આરોપીએ જે ખુલાસો કર્યો છે તે સનસનીખેજ છે.
ગળું દબાવીને હત્યા કરાઇ અને લાશને નદીમાં ફેંકી દેવામાં આવી
પોલીસે આ અંગે અપહરણનો ગુનો દાખલ કરીને સીસીટીવી ફૂટેજને આધારે તપાસ શરૂ કરી હતી. જેમાં તે જ ગામનો અજય ઉર્ફે રાહુલ જીકાભાઈ પઢિયાર નામનો 22 વર્ષીય યુવક બાળકીને બાઇક પર લઈ જતો જોવા મળ્યો હતો. પોલીસે અજય પઢિયારને કસ્ટડીમાં લીધો અને તેની પૂછપરછ કરી હતી. તેને કબૂલ્યું કે હત્યા બાદ લાશને મહી નદીની આગળ આવેલી સિંઘરોટ નાની નદીમાં ફેંકી દીધી હતી.
મકાઈ ખાવાના બહાને તેને બાઇક પર લઈ ગયો હતો
પોલીસે SDRF ની મદદથી નદીમાં બાળકીની શોધખોળ કરી હતી. ત્રણ દિવસ પછી છોકરીનો મૃતદેહ નદીમાંથી મળી આવ્યો. પોલીસે બાળકીના મૃતદેહનો કબ્જો લઈ પોસ્ટમોર્ટમ માટે કરમસદની શ્રી કૃષ્ણ હોસ્પિટલમાં મોકલી આપ્યો હતો. પ્રાથમિક રિપોર્ટમાં ખુલાસો થયો છે કે બાળકી પર બળાત્કાર ગુજારવામાં આવ્યો હતો અને તેનું ગળું દબાવીને હત્યા કરવામાં આવી હતી.
આરોપી અજય પઢિયારે કબૂલાત કરી છે કે તે ઉમેટા ચોકડી અને સિંઘરોટ ચોકડીમાંથી પસાર થયા પછી પાંચ વર્ષની બાળકીને મકાઈ ખાવાના બહાને તેની બાઇક પર નદીના પુલ પાછળના કોતરમાં લઈ ગયો હતો. ત્યાં તેણે બાળકીના ચહેરા પર રૂમાલ બાંધ્યો હતો અને તેના પર બળાત્કાર કર્યો હતો, બાદમાં તેનું ગળું દબાવીને હત્યા કરીને લાશ નદીમાં ફેંકી દીધી હતી.
પોલીસે આરોપી વિરુદ્ધ ભારતીય દંડ સંહિતા 2023 ની કલમ 65(2), 103(1), 238 અને POCSO એક્ટની કલમો હેઠળ કેસ નોંધ્યો છે અને તેની ધરપકડ કરી છે.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++