વડોદરાઃ વડોદરા અને આણંદ જિલ્લાને જોડતા ગંભીરા પુલ અકસ્માતમાં 21 લોકોનાં મોત બાદ સરકારે કડક પગલાં લીધા છે. આ અકસ્માત બાદ, રાજ્ય સરકારે પ્રાથમિક અહેવાલને આધારે માર્ગ અને મકાન (R&B) વિભાગના ચાર અધિકારીઓને દોષી ઠેરવીને સસ્પેન્ડ કર્યા હતા, સરકારે આ ચારેય સામેની તપાસ ભ્રષ્ટાચાર વિરોધી બ્યુરો (ACB) ને સોંપી દીધી છે. ગુજરાત એસીબીએ આ કેસમાં સ્પેશિયલ ઇન્વેસ્ટિગેશન ટીમ (SIT) ની રચના કરી છે.
આ ટીમમાં DIG મકરંદ ચૌહાણના નેતૃત્વમાં એક SP અને ચાર ઇન્સ્પેક્ટરનો સમાવેશ થાય છે. આ ટીમ સસ્પેન્ડ કરાયેલા અધિકારીઓ દ્વારા સત્તાના દુરુપયોગ અને ગેરકાયદેસર સંપત્તિ એકઠી કરવાની તપાસ કરશે. SIT એ શુક્રવારથી જ તપાસ શરૂ કરી દીધી છે. આ ટીમ સસ્પેન્ડ કરાયેલા અધિકારીઓ દ્વારા સત્તાના દુરુપયોગ અને ગેરકાયદેસર સંપત્તિ એકઠી કરવાની તપાસ કરશે. SIT એ શુક્રવારથી જ તપાસ શરૂ કરી દીધી છે.
જે અધિકારીઓ સામે તપાસ ચાલી રહી છે તેમાં માર્ગ અને મકાન વિભાગના કાર્યકારી ઇજનેર એન.એમ નાયકાવાલા, નાયબ કાર્યકારી ઇજનેર યુસી પટેલ, ડેપ્યુટી એક્ઝિક્યુટિવ એન્જિનિયર આર.ટી.પટેલ અને આસિસ્ટન્ટ એન્જિનિયર જેવી શાહનો સમાવેશ થાય છે. SIT ટીમ આ અધિકારીઓના ઘર પર દરોડા પાડશે અને જરૂરી દસ્તાવેજો અને અન્ય પુરાવા એકત્રિત કરશે.
ગુજરાત એસીબી ડીવાયએસપી જે.વી.પઢેરિયાએ જણાવ્યું કે નિયમો મુજબ ચોમાસાની ઋતુ શરૂ થાય તે પહેલાં તમામ પુલોનું ટેકનિકલ નિરીક્ષણ કર્યા પછી રિપોર્ટ તૈયાર કરવો પડે છે. જો પુલમાં કોઈ ખામી જોવા મળે, તો તેનું સમારકામ, ભારે વાહનોની અવરજવર બંધ કરવા અથવા પુલ બંધ કરવા જેવા પગલાં લેવા પડશે.
ગંભીરા બ્રિજના કિસ્સામાં આવું કોઈ પગલું લેવામાં આવ્યું ન હતું. પુલને તમામ પ્રકારના વાહનો માટે ખુલ્લો રાખવામાં આવ્યો હતો. આ બેદરકારીને કારણે પુલ તૂટી પડ્યો અને ઘણા વાહનો મહિસાગર નદીમાં પડી ગયા, જેના કારણે 21 લોકોનાં મોત થયા. એક તરફ, જિલ્લા પોલીસ આ અકસ્માતમાં ફોજદારી તપાસ કરી રહી છે, ત્યારે હવે ACB ની SIT ટીમ ભ્રષ્ટાચાર અને મિલકત સંબંધિત પાસાઓની ઊંડાણપૂર્વક તપાસ કરશે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
