ટોરેન્ટોઃ કેનેડામાં વધુ એક ભારતીયની હત્યા કરવામાં આવી છે.કેનેડાની ટોરોન્ટો યુનિવર્સિટીના સ્કારબોરો કેમ્પસ પાસે એક 20 વર્ષીય ભારતીય વિદ્યાર્થીની ગોળી મારીને હત્યા કરવામાં આવી છે, પોલીસે આરોપીની ધરપકડ કરવા માટે જનતા પાસે મદદ માંગી છે. PhD ના વિદ્યાર્થી શિવાંક અવસ્થી મંગળવાર, 23 ડિસેમ્બરના રોજ બંદૂકની ગોળી વાગવાથી ઘાયલ અવસ્થામાં મળી આવ્યો હતા. પોલીસે જણાવ્યું કે આ વર્ષે ટોરોન્ટોમાં આ 41મી હત્યાની ઘટના છે.
પોલીસે બુધવારે એક સત્તાવાર નિવેદનમાં જણાવ્યું કે, મંગળવારે, લગભગ 3:34 વાગ્યે, પોલીસે હાઇલેન્ડ ક્રીક ટ્રેલ અને ઓલ્ડ કિંગ્સટન રોડ વિસ્તારમાં એક અજ્ઞાત સમસ્યા માટેના કોલનો જવાબ આપ્યો હતો.અધિકારીઓએ ગંભીર રીતે ઘાયલ વ્યક્તિના અહેવાલ પર કાર્યવાહી કરી હતી. અધિકારીઓએ બંદૂકની ગોળીથી ઘાયલ એક પુરુષ પીડિતને જોયો હતો. પીડિતને ઘટના સ્થળે જ મૃત જાહેર કરવામાં આવ્યો હતો. નિવેદનમાં વધુમાં કહેવામાં આવ્યું કે, પોલીસ પહોંચે તે પહેલા શંકાસ્પદ શખ્સો વિસ્તારમાંથી ભાગી ગયા હતા.
આ હત્યાકાંડના સંબંધમાં કોઈ પણ પ્રકારની જાણકારી ધરાવતી વ્યક્તિને પોલીસનો 416-808-7400 પર, ક્રાઈમ સ્ટોપર્સનો ગુપ્ત રીતે 416-222-TIPS (8477) પર, અથવા www.222tips.com પર સંપર્ક કરવા માટે કહેવામાં આવ્યું છે.
We express deep anguish over the tragic death of a young Indian doctoral student, Mr. Shivank Avasthi, in a fatal shooting incident near the University of Toronto Scarborough Campus. The Consulate is in touch with the bereaved family during this difficult time, and is extending…
— IndiainToronto (@IndiainToronto) December 25, 2025
