- ગુરુવારે ચાંદીએ 4 લાખની સપાટી વટાવી હતી
- સોનું પણ ઓલ ટાઈમ હાઈ પહોંચ્યું હતું
નવી દિલ્હીઃ આજે ભારતીય બુલિયન માર્કેટ અને મલ્ટી કોમોડિટી એક્સચેન્જ (MCX) પર સોના અને ચાંદીના ભાવમાં ભારે ઘટાડો જોવા મળ્યો છે. રોકાણકારો દ્વારા પ્રોફિટ બુકિંગને કારણે બજારમાં આ મોટી અસર જોવા મળી રહી છે.ચાંદીના ભાવમાં 17% સુધીનો ઘટાડો થયો છે, MCX પર આજે ચાંદીના ભાવમાં એક સમયે ₹67,000 (17%) નો જંગી ઘટાડો નોંધાયો હતો, જેના કારણે 1 કિલો ચાંદીનો ભાવ ઘટીને ₹3.32 લાખ સુધી પહોંચી ગયો હતો.
જો કે, દિવસના બીજા ભાગમાં બજારમાં થોડો સુધારો જોવા મળ્યો છે. હાલમાં ચાંદી 12% ના ઘટાડા સાથે ₹3.51 લાખ ની આસપાસ ટ્રેડ થઈ રહી છે.સોનામાં પણ ગાબડુંસોનાના ભાવમાં પણ આજે મોટો ઘટાડો જોવા મળ્યો છે. MCX પર 10 ગ્રામ સોનાનો ભાવ ₹15,000 (9%) ઘટીને ₹1.54 લાખ ના સ્તરે આવી ગયો હતો. રિકવરી બાદ અત્યારે સોનું 3% ના ઘટાડા સાથે ₹1.64 લાખ પર કારોબાર કરી રહ્યું છે. માત્ર ફિઝિકલ ગોલ્ડ જ નહીં, પણ સોના અને ચાંદીના ETF માં પણ આજે 23% સુધીનો મોટો કડાકો બોલાયો છે.
નિષ્ણાતોનું માનવું છે કે આટલા મોટા ઘટાડા પાછળ વૈશ્વિક કારણો અને સ્થાનિક બજારમાં નફો વસૂલવાની પ્રક્રિયા મુખ્ય ભૂમિકા ભજવી રહી છે. લગ્નસરાની સીઝન વચ્ચે આ ઘટાડો સામાન્ય ગ્રાહકો માટે રાહતરૂપ સાબિત થઈ શકે છે.
