અમેરિકામાં ફાયરિંગની વધુ એક ઘટના બની
બર્થ ડે પાર્ટીમાં ફાયરિંગથી હડકંપ
વોશિંગ્ટનઃ કેલિફોર્નિયામાં શનિવારની રાત્રે લ્યુસિલ એવન્યુ પર ગોળીબારની ઘટના સામે આવી છે. જેમાં 4 લોકોના મોત અને 7 લોકો ઘાયલ થયા છે. ઘાયલોને તાત્કાલિક હોસ્પિટલમાં લઈ જવામાં આવ્યા છે. સેન જોઆક્વિન કાઉન્ટી શેરિફ ઓફિસે જણાવ્યું કે આ મામલો હજુ તપાસ હેઠળ છે અને કોઈની ધરપકડ કરવામાં આવી નથી. પોલીસે આ વિસ્તારમાં સુરક્ષા વધારી દીધી છે અને લોકોને સાવધાન રહેવા જણાવ્યું છે. પોલીસ અધિકારીઓ ઘટના સ્થળેથી પુરાવા એકત્ર કરી રહ્યાં છે અને સાક્ષીઓની પૂછપરછ કરી રહ્યાં છે. ગોળીબારનું કારણ અને પાછળનો હેતુ હજી સ્પષ્ટ નથી.
સેન જોઆક્વિન કાઉન્ટી શેરિફ ઓફિસના જણાવ્યાં અનુસાર, અધિકારીઓ કેલિફોર્નિયાના સ્ટોકટનમાં શનિવારે સાંજે થયેલા ગોળીબારની તપાસ કરી રહ્યાં છે, જેમાં અનેક પીડિતોને હોસ્પિટલમાં દાખલ કરવામાં આવ્યા છે. ગોળીબારની ઘટના લ્યુસિલ એવન્યુના 1900 બ્લોક પર બની હતી. ઘટનાસ્થળના સોશિયલ મીડિયા ફૂટેજમાં અનેક પોલીસ કાર જોવા મળી હતી, જેમાં અધિકારીઓ ક્રાઇમ સીન ટેપ લગાવી રહ્યા હતા.
કેટલાક સોશિયલ મીડિયા અહેવાલોમાં એવો આરોપ મૂકવામાં આવ્યો છે કે ગોળીબાર ડેરી ક્વીન રેસ્ટોરન્ટની અંદર અથવા તેની નજીક ચાલી રહેલી બાળકોની બર્થ ડે પાર્ટીમાં થયો હતો. શેરિફ ઓફિસે સોશિયલ મીડિયા પર પોસ્ટ કરેલા એક નિવેદનમાં કહ્યું, વધારાની વિગતો એકત્રિત કરવા માટે કામ કરી રહ્યા છીએ. અધિકારીઓએ પીડિતોની સંખ્યા કે તેમની સ્થિતિની પુષ્ટિ કરી નથી. તેઓએ ઘટનામાં કોઈ શંકાસ્પદ વ્યક્તિની પણ ઓળખ કરી નથી.
સ્ટોકટનના વાઇસ મેયર જેસન લીએ કહ્યું કે તેઓ બાળકના જન્મદિવસની પાર્ટીમાં સામૂહિક ગોળીબાર વિશે જાણીને વ્યથિત અને ગુસ્સે છે. શું થયું તે બરાબર સમજવા માટે હું સ્ટાફ અને જાહેર સુરક્ષા અધિકારીઓના સંપર્કમાં છું, આ કેસની તપાસ શરૂ કરી દેવામાં આવી છે.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++