અંબાજીઃ નવરાત્રીના માહોલ વચ્ચે અકસ્માતના સમાચાર આવ્યાં છે, અંબાજી-દાંતા રોડ પર ત્રિશુળીયા ઘાટ પાસે પ્રાયવેટ બસ પલટી ગઇ હતી, જેમાં 4 લોકોનાં મોત થઇ ગયા છે અને 24 જેટલા લોકો ઘાયલ થયાના સમાચાર છે.
પોલીસની પ્રાથમિક તપાસમાં ડ્રાઇવર દારૂના નશાની હાલતમાં હોવાનું સામે આવ્યું છે, પોલીસ અને સ્થાનિક લોકોએ ઘટના સ્થળે પહોંચીને ઘાયલોને નજીકની હોસ્પિટલ ખસેડ્યાં છે.
ખેડાના કઠલાલના ભક્તો મા અંબાના દર્શન કરીને જઇ રહ્યાં હતા, દરમિયાન ત્રિશુલીયા ઘાટ પર લક્ઝરી બસના ડ્રાઇવરે બસ પરથી કાબુ ગુમાવ્યો હતો જેને કારણે આ અકસ્માત સર્જાયો હતો. બસમાં 50થી વધુ મુસાફરો સવાર હતા.
યાત્રાધામ અંબાજી નજીક ત્રિશૂળિયા ઘાટ પાસે લક્ઝરી બસને થયેલ અકસ્માતની ઘટના અત્યંત દુઃખદ છે. અકસ્માતમાં જીવ ગુમાવનાર મૃતકોના સ્વજનો પ્રત્યે સંવેદનાની લાગણી વ્યક્ત કરું છું. ઈજાગ્રસ્તો ઝડપથી સાજા થાય તેવી ઈશ્વરને પ્રાર્થના કરું છું.
— Bhupendra Patel (@Bhupendrapbjp) October 7, 2024
