માતાએ પુત્ર સાથે થયેલી અશ્લિલતા મામલે નોંધાવી ફરિયાદ
અમરેલીઃ બાબરાના કોટડાપીઠા ગામે આવેલા રિદ્ધિ સિદ્ધિ સંકુલમાં શિક્ષકના રૂપમાં વધુ એક હેવાન દેખાયો છે. શિક્ષકે સગીર વિદ્યાર્થી સાથે અશ્લીલ હરકત કરતાં ચકચાર મચી ગઈ હતી. વિદ્યાર્થીની માતાએ શિક્ષક શૈલેષ ખૂંટ સામે ફરિયાદ નોંધાવી હતી. રિદ્ધિ સિદ્ધિ સંકુલમાં આવેલી શાળાના શિક્ષક સામે પોતાના જ સગીર વિદ્યાર્થી સાથે જાતીય અડપલાં કરવાનો આરોપ લાગ્યો છે. ભોગ બનનાર ધોરણ-7 માં અભ્યાસ કરે છે.
પોલીસ સૂત્રો દ્વારા મળતી માહિતી મુજબ, આરોપી શિક્ષક પીડિત વિદ્યાર્થી સગીર હોવાનું જાણતા હોવા છતાં તેને શાળાના કોમ્પ્યુટર લેબ, શાળાની પાછળના ભાગે આવેલા વાડા, અગાસી, જૂના બાથરૂમ અને પોતાના બેડરૂમ જેવી એકાંત જગ્યાએ લઈ જઈ અડપલાં કર્યા હતા. આરોપીએ સગીરના હોઠ પર કિસ કરી, પેન્ટમાં હાથ નાખી તેના ગુપ્તાંગને પકડ્યું અને અયોગ્ય રીતે સ્પર્શ કર્યો હતો. આ ગંભીર બાબતની જાણ થતાં જ વિદ્યાર્થીના વાલીએ તાત્કાલિક પોલીસમાં ફરિયાદ નોંધાવી હતી. પોલીસે આ મામલે આરોપી શિક્ષક વિરુદ્ધ પોક્સો એક્ટ હેઠળ ગુનો નોંધી વધુ તપાસ હાથ ધરી હતી.
