પતિનું ગળુ દબાવીને હત્યા કરી પછી સાપથી ડંખ મરાવીને ઝેરથી મોત થયાનું ખપાવી દેવાયું
પત્ની અને બે યુવકોની પોલીસે ધરપકડ કરી લીધી
પોસ્ટમોર્ટમ રિપોર્ટમાં થયો સનસનીખેજ ખુલાસો
1000 રૂપિયામાં લાવવામાં આવ્યો હતો સાપ
યુપીઃ હાલમાં હત્યારી પત્ની મુસ્કાનની સ્ટોરી દેશભરમાં ચર્ચાનો વિષય છે અને આ બધાની વચ્ચે હવે નવો એક આવો જ ખતરનાક કિસ્સો સામે આવ્યો છે, મુસ્કાનની જેમ પ્રેમી સાથે મળીને પતિની હત્યા કરી હતી, તેવી જ બીજી એક હત્યા મેરઠના બહુસુમાના અકબરપુર સદાત ગામે થઇ છે, જ્યાં અમિત નામના વ્યક્તિની હત્યા તેની પત્ની અને પ્રેમી દ્વારા કરવામાં આવી હતી.
અમિતની લાશ ઘરમાં ખાટલામાંથી મળ્યાં બાદ તેનું પોસ્ટમોર્ટમ કરવામાં આવ્યું તો જાણવા મળ્યું કે તેનું ગળુ દબાવીને હત્યા કરવામાં આવી હતી, પછી અમિતને સાપના ડંખ મરાવીને સાપ કરડવાથી તેનું મોત થયું હોવાનું ખપાવી દેવામાં આવ્યું હતુ. જ્યારે તેની લાશ મળી હતી ત્યારે તેની પાસે એક સાપ પણ જોવા મળ્યો હતો.
પહેલા એવું લાગતું હતુ કે અમિતનું મોત સાપ કરડવાને કારણે થયું હશે, પરંતુ પોસ્ટમોર્ટમ રિપોર્ટમાં ખુલાસો થયો કે હત્યા ગળુ દબાવીને કરવામાં આવી હતી. આ કેસમાં રવિતા અને તેના પ્રેમી સહિત ત્રણ લોકોની પોલીસે ધરપકડ કરી લીધી છે.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++