( PHOTO- ANI)
રાયબરેલીઃ દેશમાં જોરશોરથી ચૂંટણીનો માહોલ દેખાઇ રહ્યો છે, ચૂંટણી બાદ 4 જૂને કોની સરકાર બનશે તેનું ચિત્ર સ્પષ્ટ થઈ જશે. હાલ તમામ રાજકીય પક્ષો સત્તામાં આવવા એડીચોટીનું જોર લગાવી રહ્યા છે. કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધી જ્યારે તેમના ચૂંટણી પ્રચાર માટે રાયબરેલી સંસદીય ક્ષેત્રમાં પહોંચ્યાં હતા, ત્યારે લોકોએ તેમને પૂછ્યું હતું કે તેઓ ક્યારે લગ્ન કરશે ? જ્યારે તેઓ કશું સાંભળી શક્યા ન હતા ત્યારે બહેન પ્રિયંકા ગાંધીએ કહ્યું કે લોકો પૂછે છે કે તમે ક્યારે લગ્ન કરશો ? આ સાંભળીને રાહુલ હસી ગયા હતા અને કહ્યું કે તેઓ ટૂંક સમયમાં જ લગ્ન કરશે.
માતા સોનિયા ગાંધી રાજ્યસભાના સાંસદ તરીકે ચૂંટાયા પછી, રાહુલ ગાંધી રાયબરેલી સંસદીય ક્ષેત્રથી લોકસભા ચૂંટણી લડી રહ્યાં છે. બહેન પ્રિયંકા ગાંધી ઘણા દિવસોથી ભાઈ રાહુલ માટે પ્રચાર કરી રહ્યાં છે. સોમવારે રાહુલ ગાંધીએ મહારાજગંજ શહેરના મેળાના મેદાનમાં જનસભાને સંબોધી હતી. પ્રિયંકાએ પણ રાહુલ સાથે સ્ટેજ શેર કર્યું હતું. ભાષણ આપીને રાહુલ જેવા આગળ વધ્યાં કે સામે બેઠેલા લોકો પૂછવા લાગ્યા કે રાહુલ ભૈયા લગ્ન ક્યારે કરશો ? રાહુલને કંઈ સમજાયું નહીં ત્યારે તેણે તેની બહેનને પૂછ્યું, આ લોકો શું કહી રહ્યાં છે ? તેના પર બહેને કહ્યું કે લોકો પૂછે છે કે તમારા લગ્ન ક્યારે થશે. તેના પર રાહુલે કહ્યું કે ટૂંક સમયામાં જ. જો કે રાહુલની આ વાતને લઇને હવે ચર્ચાઓ શરૂ થઇ ગઇ છે કે ખરેખર રાહુલ લગ્ન કરવાના છે કે પછી તેમને એમ જ લોકોને ખુશ કરવા આ વાત કરી છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526