J&K Elections 2024: જમ્મુ-કાશ્મીર વિધાનસભા ચૂંટણી 2024ના બીજા તબક્કાનું મતદાન ચાલી રહ્યું છે. બીજા રાઉન્ડમાં છ જિલ્લાઓની કુલ 26 બેઠકો માટે મતદાન થઈ રહ્યું છે. આ તબક્કામાં 25 લાખથી વધુ મતદારો 239 ઉમેદવારોના ભાવિનો નિર્ણય કરશે. શ્રીનગર જિલ્લામાં સૌથી વધુ 8 બેઠકો પર બીજા રાઉન્ડમાં મતદાન થઈ રહ્યું છે. આ પછી, રિયાસીમાં છ, બડગામમાં પાંચ, રિયાસી અને પૂંચમાં ત્રણ-ત્રણ અને ગાંદરબલમાં બે બેઠકો પર મતદાન થઈ રહ્યું છે. આ સંદર્ભે કડક સુરક્ષા વ્યવસ્થા કરવામાં આવી છે. મતદાન સવારે 7 વાગ્યાથી શરૂ થયું હતું અને સાંજે 6 વાગ્યા સુધી ચાલશે.
અધિકારીઓએ જણાવ્યું કે કાશ્મીરના ત્રણ જિલ્લા ગાંદરબલ, શ્રીનગર અને બડગામની 15 બેઠકો અને જમ્મુ, રાજોરી, રિયાસી અને પૂંચના ત્રણ જિલ્લાની 11 બેઠકો પર મતદારો તેમના મતાધિકારનો ઉપયોગ કરશે. ચૂંટણી પંચે સરળ અને મુશ્કેલીમુક્ત ભાગીદારી માટે 3502 મતદાન મથકો સ્થાપ્યા છે. જેમાંથી 1056 શહેરી વિસ્તારોમાં અને 2446 ગ્રામીણ વિસ્તારોમાં છે. મતદારોની ભાગીદારી વધારવા માટે 157 વિશેષ મતદાન મથકો બનાવવામાં આવ્યા છે. અહીં 26 ગુલાબી મતદાન મથકો છે, જેનું સંચાલન મહિલા કર્મચારીઓ કરશે. તેવી જ રીતે, 26 કેન્દ્રો વિકલાંગ કાર્યકરો દ્વારા સંચાલિત કરવામાં આવશે અને 26 મતદાન કેન્દ્રો યુવાનો દ્વારા સંચાલિત કરવામાં આવશે. 26 ગ્રીન મતદાન મથકો અને 22 વિશેષ મતદાન મથકો પણ બનાવવામાં આવ્યા છે, આ તબક્કામાં શ્રીનગર જિલ્લામાં 93, બડગામ જિલ્લામાં 46, રાજૌરી જિલ્લામાં 34, પુંછ જિલ્લામાં 25, ગાંદરબલ જિલ્લામાં 21, રિયાસી જિલ્લામાં 20 ઉમેદવારો ચૂંટણી લડી રહ્યાં છે. છે. 18 સપ્ટેમ્બરે પહેલા તબક્કામાં 61.38 ટકા મતદાન થયું હતું.
ચૂંટણી પ્રક્રિયા નિહાળવા વિદેશી ડેલિગેટ્સ પણ ઉપસ્થિત રહ્યું હતું. દક્ષિણ આફ્રિકાના રાજદ્વારી લારા સ્વાર્ટે કહ્યું, મને લાગે છે કે અમે 15 દેશોના છીએ. હું પહેલીવાર જમ્મુ અને કાશ્મીરની મુલાકાત લઈ રહી છું. વિદેશ મંત્રાલય દ્વારા મતદાન મથકો પર આવવા અને મુલાકાત લેવાનું આમંત્રણ મળવું એ ખરેખર એક વિશેષાધિકારની વાત છે અને ચૂંટણીઓ શાંતિપૂર્ણ માહોલમાં થઇ રહી છે.
#WATCH | J&K Assembly elections | A delegation of diplomats from various countries arrives at a polling booth in Budgam area to witness the polling process.
— ANI (@ANI) September 25, 2024
26 constituencies across six districts of the UT are voting today. pic.twitter.com/N1ZFlE2nYN
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
