અમદાવાદઃ કેન્દ્રીય ગૃહમંત્રી અને સહકાર મંત્રી અમિત શાહ આજથી ગુજરાતના બે દિવસના પ્રવાસે આવશે. આ દરમિયાન તેઓ ગાંધીનગર, અમદાવાદ અને મહેસાણા જિલ્લામાં અનેક વિકાસ પ્રોજેક્ટ્સનું ઉદ્ઘઘાટન અને શિલાન્યાસ કરશે. તેઓ સહકારી મહા સંમેલનને પણ સંબોધિત કરશે.
શાહ આજે બપોરે અમદાવાદ એરપોર્ટ પહોંચશે, ત્યારબાદ તેમનો કાર્યક્રમ ગાંધીનગરમાં શરૂ થશે. 17 મેના રોજ સાંજે 4.30 વાગ્યે, તેઓ ગાંધીનગરના વાવોલ ખાતે નવનિર્મિત પ્રાથમિક આરોગ્ય કેન્દ્રનું ઉદ્ઘઘાટન કરશે. સાંજે 4:45 વાગ્યે તેઓ સેક્ટર 21-22 ના અંડરબ્રિજનું ઉદ્ઘઘાટન કરશે.
અનેક પ્રોજેક્ટનું ઉદ્ઘઘાટન કરશે
પેથાપુરમાં સાંજે 5 વાગ્યે બીજા પ્રાથમિક આરોગ્ય કેન્દ્રનું ઉદ્ઘઘાટન કરવામાં આવશે. આ પછી, તેઓ કોલવડા તળાવનું ઉદ્ઘઘાટન કરશે, અને સાંજે 5:30 વાગ્યે, તેઓ ગાંધીનગર મ્યુનિસિપલ કોર્પોરેશન અને ટપાલ વિભાગના વિવિધ વિકાસ પ્રોજેક્ટ્સનું ઉદ્ઘઘાટન અને શિલાન્યાસ કરશે.
18 મેના રોજ સવારે 10.30 વાગ્યે, શાહ ગુજરાત રાજ્ય સહકારી ફેડરેશન દ્વારા આયોજિત વિકસિત ભારતના નિર્માણમાં સહકારીની ભૂમિકા વિષય પરના ભવ્ય પરિષદમાં હાજરી આપશે. આ પછી, તેઓ સવારે 11.45 થી બપોરે 1 વાગ્યા સુધી મહેસાણા જિલ્લામાં વિવિધ ઉદ્ઘઘાટન કાર્યક્રમોમાં હાજરી આપશે.
KVIC યોજનાઓના લાભાર્થીઓ સાથે પણ વાતચીત કરશે
સાંજે 5:30 વાગ્યે, શાહ અમદાવાદમાં એમ પલ્લવ બ્રિજનું ઉદ્ઘઘાટન કરશે અને તેની સાથે મ્યુનિસિપલ કોર્પોરેશનના વિવિધ વિકાસ કાર્યોનું ઉદ્ઘઘાટન અને શિલાન્યાસ કરશે. તેઓ KVIC ની ગ્રામોદ્યોગ વિકાસ યોજના હેઠળ આયોજિત સાધનો વિતરણ સમારોહમાં પણ હાજર રહેશે, જ્યાં લાભાર્થીઓને સાધનો સોંપવામાં આવશે. અમિત શાહની આ મુલાકાતને ગુજરાતમાં વિકાસ અને સહકારના વિસ્તરણ તરફ એક મહત્વપૂર્ણ પગલું માનવામાં આવી રહ્યું છે, જેનાથી પ્રાદેશિક સ્તરે આરોગ્ય, માળખાગત સુવિધાઓ અને ગ્રામીણ ઉદ્યોગોને મજબૂત બનાવવાની અપેક્ષા છે.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++