વડોદરાઃ ગોત્રી વિસ્તારમાં આવેલા શિવાલય હાઇટ્સમાંથી પતિ-પત્નીનો મૃતદેહ મળી આવતા ચકચાર મચી ગઇ છે.પતિનો મૃતદેહ ગળે ફાંસો ખાધેલી લટકી રહ્યો હતો. જ્યારે પત્નીનો મૃતદેહ જમીન પર પડેલો મળ્યો હતો.તેના ગળાના ભાગે ઇજાના નિશાન જોવા મળ્યાં હતા. તેમનો અઢી વર્ષનો પુત્ર માતા-પિતાના મૃતદેહ પાસે રમી રહ્યો હતો. રહીશોએ ગોત્રી પોલીસને જાણ કરતા ઘટના સ્થળે પહોંચીને બંન્નેના મૃતદેહનો પીએમ અર્થે ખસેડીને વધુ તપાસ શરૂ કરી હતી. મહિલાના મોતનું કારણ પોસ્ટમોર્ટમ રિપોર્ટમાં આવશે ત્યારે જાણી શકાશે.ગોત્રી પોલીસે ગુનો નોંધીને વધુ તપાસ શરૂ કરી છે.
પાડોશીએ જણાવ્યાં અનુસાર તેમની પુત્રી નોકરી પરથી આવી અને તેમના ઘર તરફ ગઇ હતી. તેને કહ્યું કે આશિષ અંકલે ગળેફાંસો ખાધો છે. જેથી અમે તેમના ઘરે જઇનેને જોયું તો બંનેના મૃતદેહ પડ્યા હતા. બંને વચ્ચે ક્યારેક ઝઘડા થયા કરતા હતા. પોલીસ ઘટના સ્થળ પર પહોંચી ત્યારે તેમનો અઢી વર્ષનો દીકરો મૃતદેહ પાસે રમી રહ્યો હતો, પત્ની આરતીનો મૃતદેહ જમીન પર પડ્યો હતો અને આશિષનો મૃતદેહ લટકતો હતો. આ બંનેને શું કારણથી આ પગલું ભયું હશે તે હજુ જાણી શકાયું નથી.
મૃતક ખાનગી બેંકમાં પ્યુન તરીકે ફરજ બજાવતા હતા અને નોકરી પરથી ઘરે આવીને વડાપાંવની લારી ચલાવતા હતા.ગોત્રી પોલીસે પતિ-પત્નીના મૃતદેહોને પોસ્ટમોર્ટમ માટે સયાજી હોસ્પિટલમાં મોકલી આપ્યાં છે, પોલીસે આ મામલે વધુ તપાસ હાથ ધરી છે.
રાજનીતિના સમાચારો માટે આ લિંક પર ક્લિક કરો
ગુજરાતના અન્ય લેટેસ્ટ સમાચારો માટે આ લિંક પર ક્લિક કરો
સૌથી ઝડપી સમાચારો માટે આ લિંક પર ક્લિક કરો
Gujarat Post News | Gujaratpost | Gujaratpostnews | Gujarati news webportel| Gujarati news website
પોપ્યુલર સ્ટોરી માટે આ લિંક પર ક્લિક કરો