રાજકોટ: શહેરમાં રહેતી 19 વર્ષની યુવતી ઉપર ધાકધમકી આપી અવાર-નવાર દષ્કર્મ ગુજાર્યા બાદ તેની સાથેના અંગત પળોના ફોટો અને વીડિયો વાયરલ કરી દેવાયા હતા. જે અંગે ગાંધીગ્રામ-2 પોલીસ મથકમાં ફરિયાદ નોંધાતા પોલીસે આરોપી સુરેશ વિનુભાઈ સોલંકી (રહે. લક્ષ્મીના ઢોળા પાસે)ની ધરપકડ કરી હતી.
પોલીસમાં જાહેર થયેલી વિગતો પ્રમાણે, યુવતીની એક વર્ષ પહેલા સગાઈ થઈ હતી. ચારેક માસ પહેલાં સંબંધીના ઘરે જતી હતી ત્યારે રોજ રાત્રે કચરો નાખવા બહાર નીકળતી હતી ત્યારે આરોપી ઈશારા કરતો હતો. એક દિવસ તેને મોબાઈલ ફોન આપ્યો હતો. જો મોબાઈલ ફોન ન લ્યે તો તેના સંબંધીને મારી નાખવાની ધમકી આપી હતી. ત્યાર પછી તેની ઉપર વાતચીત કરતો હતો.
યુવતી તેના સંબંધીના ઘરે એકલી હતી ત્યારે ત્યાં જઈ તેની સાથે બળજબરીથી શરીર સંબંધ બાંધ્યો હતો. બાદમાં બાથરૂમમાં લઈ જઈ બળજબરીથી ફોટા પાડી લીધા હતા. પછી જો શરીર સંબંધ ન બાંધે તો તેના ફોટો વાયરલ કરવાની ધમકી આપી હતી. ભોગ બનનાર યુવતી એક વખત મજુરી કરવા ગઈ હતી ત્યારે બિલ્ડીંગના છઠ્ઠા માળે લઈ જઈ તેની સાથે શરીર સંબંધ બાંધ્યો હતો.
ત્યાર પછી અવાર-નવાર તેના સગાના ઘરે, અવાવરૂ જગ્યાએ શરીર સંબંધ બાંધતો હતો. દર વખતે જો શરીર સંબંધ ન બાંધે તો ફોટો અને વીડિયો વાયરલ કરવાની ધમકી આપતો હતો. આ વાત તેણે સંબંધીને કરતાં તેને બીજા સ્થળે મુકી ગયા હતા. આ પછી આરોપીએ તેના સંબંધી પાસેથી રૂ.1.20 લાખની માગણી કરી હતી. આટલેથી નહીં અટકતા આરોપીએ તેના સગા-સંબંધીઓને વોટસએપ ઉપર તેના ફોટો અને વીડિયો મોકલી દીધા હતા.
