બજેટમાં કસ્ટમ ડ્યૂટી ઘટાડવાની જાહેરાત થઈ હતી
માર્કેટનું વલણ જોતાં હજુ પણ ભાવ ઘટવાની શક્યતા
નવી દિલ્હીઃ બજેટ રજૂ થયા બાદ સોના અને ચાંદીના ભાવમાં મોટો ઘટાડો જોવા મળી રહ્યો છે. છેલ્લા બે દિવસમાં સોનાના ભાવમાં પ્રતિ 10 ગ્રામે 5000 રૂપિયાનો ઘટાડો થયો છે. ચાંદીમાં પ્રતિ કિલોએ 8500 રૂપિયાનો ભારે ઘટાડો નોંધાયો છે.
આજે બુલિયન માર્કેટમાં 22 કેરેટ સોનાની કિંમત 64,000 રૂપિયા પ્રતિ 10 ગ્રામ થઈ છે. 24 કેરેટ સોનાની કિંમત આજે 71,100 રૂપિયા પ્રતિ 10 ગ્રામ છે. ગઈકાલ સુધી 24 કેરેટ સોનાનો ભાવ 72,100 રૂપિયા પ્રતિ 10 ગ્રામ હતો. તે જ સમયે, 22 કેરેટ સોનાની કિંમત 64,900 રૂપિયા પ્રતિ 10 ગ્રામ ચાલી રહી હતી. આજે 18 કેરેટ સોનાની કિંમત 53,900 રૂપિયા થઈ ગઈ છે.
ચાંદીની વાત કરીએ તો ગઈકાલની સરખામણીએ આજે તેના ભાવમાં કિલોએ રૂ.3500નો મોટો ઘટાડો જોવા મળી રહ્યો છે. આ સાથે આજે ચાંદી 81,500 રૂપિયા પ્રતિ કિલોના ભાવે વેચાઈ રહી છે. ગઈકાલ સુધી ચાંદીનો ભાવ 85,000 રૂપિયા પ્રતિ કિલો નજીક હતો.
નિષ્ણાતોનાં મતે બજેટ 2024માં સોના પર GSTમાં કોઈ ફેરફાર થયો નથી, તે હજુ પણ 3% છે અને મેકિંગ ચાર્જ પર 5% GST છે. તેથી, સોનું અને ચાંદી ખરીદવાની આ શ્રેષ્ઠ હાલમાં હોવાનું નિષ્ણાંતો માની રહ્યાં છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/