અમદાવાદઃ બોલીવુડના કિંગ ખાન શાહરૂખ ખાનના ફેન્સ માટે એક ચિંતાજનક સમાચાર સામે આવ્યાં છે. શાહરૂખ ખાનની તબિયત બગડતા કેડી હોસ્પિટલમાં દાખલ કરવામાં આવ્યાં છે. અભિનેતા ગઈકાલે આઈપીએલનો પહેલો પ્લે-ઓફ જોવા માટે અમદાવાદ આવ્યાં હતા, કાળઝાળ ગરમીને કારણે તેને હીટસ્ટ્રોક આવ્યો હતો. શાહરૂખ ખાનના ચાહકો અભિનેતાના સ્વસ્થ થવાની પ્રાર્થના કરી રહ્યાં છે.
કિંગ ખાનની ટીમ ફાઇનલમાં પહોંચી હતી
ગઈકાલે શાહરૂખ ખાનની ટીમ કોલકાતા નાઈટ રાઈડર્સ આઈપીએલ 2024ની ફાઈનલમાં પહોંચી છે. પ્રથમ ક્વોલિફાયર મેચમાં કોલકાતા નાઈટ રાઈડર્સે સનરાઈઝર્સ હૈદરાબાદને 8 વિકેટે પરાજય આપ્યો હતો, જે બાદ શાહરૂખ ખાન ખૂબ જ ખુશ દેખાયો હતો. મેચ જીતવાની ઉજવણીમાં તેને મેદાનમાં પ્રવેશ કર્યો અને પોતાનો સિગ્નેચર પોઝ આપ્યો હતી, જેની તસવીરો અને વીડિયો વાયરલ થયા છે. દરમિયાન તેની સાથે તેની પુત્રી સુહાના અને પુત્ર અબરામ પણ હાજર હતા.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526