સુરતઃ શહેરમાં નકલી ડોક્ટરો સામે ઝુંબેશ ચલાવતી પોલીસે એક મહિલા અને એક પુરુષની ધરપકડ કરી છે, આ લોકો ડોક્ટર તરીકે ઓળખ આપીને દર્દીઓની સારવાર કરતા હતા. મહિલાએ 12મા ધોરણ સુધી અભ્યાસ કર્યો છે જ્યારે પુરુષે 10મા ધોરણ સુધી અભ્યાસ કર્યો છે. પોલીસે બંને સામે ગુનો નોંધી કાર્યવાહી હાથ ધરી છે. હાલ પોલીસને આ બંને પાસેથી કોઈપણ પ્રકારની ડીગ્રી મળી નથી.
સુરતના ઉમરા પોલીસ સ્ટેશને આ કાર્યવાહી કરી છે. પોલીસે એક પુરૂષ અને એક મહિલાની ધરપકડ કરી છે, જેઓ બંને ડોક્ટર તરીકે ઓળખ આપીને લોકોની સારવાર કરતા હતા. ધરપકડ કરાયેલા એક આરોપીનું નામ પ્રયાગ રામચંદ્ર પ્રસાદ છે, જ્યારે મહિલાનું નામ લલિતા કૃપા શંકર સિંહ છે. મહિલાએ 12મા ધોરણ સુધી અભ્યાસ કર્યો છે.
આ બંને નકલી ડોક્ટરો એલોપેથિક દવાઓથી લોકોની સારવાર કરતા હતા. બંનેએ એક ક્લિનિક ખોલ્યું હતું જ્યાંથી એલોપેથિક દવાઓ મળી આવી હતી. પોલીસે બંને પાસેથી મેડિકલ સર્ટિફિકેટ માંગ્યા ત્યારે તેમને કોઈ સર્ટિફિકેટ મળ્યું ન હતું. સુરતના ઉમરા પોલીસ સ્ટેશને આરોગ્ય વિભાગની ટીમ સાથે મળીને બંનેની ધરપકડ કરી હતી..
આ સમગ્ર મામલે પોલીસનું કહેવું છે કે આરોપી પ્રયાગ રામચંદ્ર પ્રસાદે દસમાં ધોરણ સુધી અભ્યાસ કર્યો છે. મહિલા લલિતાએ 12મા સુધી અભ્યાસ કર્યો છે. બંને ડોક્ટર તરીકે પ્રેક્ટિસ કરતા હતા. બંને એલોપેથિક દવાઓ આપતા હતા. તેમની પાસેથી મળી આવેલી દવાઓ અને અન્ય દસ્તાવેજોની તપાસ કરવામાં આવી રહી છે. આ લોકો સુરતમાં કેટલા વર્ષોથી ડોક્ટર તરીકે પ્રેક્ટિસ કરતા હતા તે હાલ જાણી શકાયું નથી.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
