જે લોકોએ રસી લીધી છે તેમનું શું ? કોરોના રસીની આડઅસરના ખુલાસા પછી એસ્ટ્રાઝેનેકાએ દુનિયાભરમાંથી રસી પાછી મંગાવી

લંડનની કોર્ટમાં વળતરના અનેક કેસ કરવામાં આવ્યાં

કંપનીએ કોર્ટમાં આડઅસરની વાત સ્વીકારી લીધી

લંડનઃ બ્રિટિશ ફાર્માસ્યુટિકલ કંપની એસ્ટ્રાઝેનેકાએ વિશ્વભરમાંથી તેની કોવિડ-19 રસીનું વેચાણ બંધ કરવાનો નિર્ણય લીધો છે. તેમાં ભારતમાં બનેલી કોવિશિલ્ડ રસી પણ છે. થોડા દિવસો પહેલા જ આ ફાર્માસ્યુટિકલ કંપનીએ કોર્ટમાં રસીની ખતરનાક આડઅસર વિશે કબૂલ્યું હતું. AstraZeneca વેક્સીનનો ઉપયોગ ભારતમાં Covishield નામથી થતો હતો. જો કે, કંપનીએ આ રસીને બજારમાંથી હટાવવા પાછળ કેટલાક અન્ય કારણો આપ્યાં છે.

ભારતમાં કોવિશિલ્ડના નામથી રસીનો ઉપયોગ થાય છે

બજારમાંથી રસી પાછી ખેંચવા માટેની અરજી 5 માર્ચે કરવામાં આવી હતી, જે 7 મે સુધી અમલી બની હતી. એસ્ટ્રાઝેનેકાએ વર્ષ 2020માં ઓક્સફોર્ડ યુનિવર્સિટીના સહયોગથી કોરોના રસી બનાવી હતી. તેના સૂત્રનો ઉપયોગ કરીને સીરમ સંસ્થા ભારતમાં કોવિશિલ્ડ નામની રસી બનાવે છે.

કંપનીએ શું માહિતી આપી ?

AstraZenecaએ મંગળવારે કહ્યું હતું કે બજારમાં જરૂરિયાત કરતાં વધુ રસી ઉપલબ્ધ છે, તેથી કંપનીએ રસીનો જથ્થો બજારમાંથી પાછો ખેંચી લેવાનો નિર્ણય કર્યો છે. થોડા દિવસો પહેલા કંપનીએ પણ સ્વીકાર્યું હતું કે રસીની કેટલીક આડઅસરો પણ છે. જેમ કે રસીને કારણે લોહી ગંઠાઈ જવું અને લોહીના પ્લેટલેટ્સની સંખ્યામાં ઘટાડો થવો.

નોંધનીય છે કે સ્વાસ્થ્ય અને પરિવાર કલ્યાણ મંત્રાલયના જણાવ્યાં અનુસાર ભારતમાં અત્યાર સુધીમાં રસીના 220 કરોડથી વધુ ડોઝ આપવામાં આવ્યાં છે. બીજી તરફ બ્રિટનમાં કોર્ટમાં રસીની આડઅસરને લઇને અનેક પુરાવા રજૂ કરાયા છે, હાર્ટએટેકથી માંડીને લોહી ગંઠાઇ જવાના અનેક કિસ્સા સામે આવ્યાં બાદ કંપનીને ફટકાર પડી છે.

અમારી મોબાઇલ એપ ડાઉનલોડ કરોઃ

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526