સાબરકાંઠાઃ હિંમતનગર-ઈડર હાઈવે પર ટ્રક અને કાર વચ્ચે ભયંકર અકસ્માત સર્જાતા એક જ પરિવારના 5 લોકોનાં મોત થયા છે. આ અકસ્માતની જાણ થતા સ્થાનિકો અને પોલીસ સ્થળ પર પહોંચીને કામગીરી હાથ ધરી છે. પરિવારના સભ્યોના મોતથી સગા-સબંધીઓમાં શોકનું મોજું ફરી વળ્યું છે.
હિંમતનગર-ઈડર હાઈવે પર ટ્રક અને કાર વચ્ચે થયેલા અકસ્માતમાં 7 મહિનાની બાળકી સહિત 5 સભ્યોના કમકમાટીભર્યાં મોત થયા છે. મૃતકોમાં 2 મહિલા, 2 બાળકી અને એક પુરૂષનો સમાવેશ થાય છે. અકસ્માતમાં 2 લોકોને ગંભીર ઈજાઓ થતા સારવાર અર્થે ખસેડાયા હતા. જાદર પોલીસે ઘટના સ્થળે પહોંચી કાર્યવાહી હાથ ધરી છે.
મૃતકોમાં એક ડૉક્ટરના પરિવારના સભ્યો સામે હોવાનું સામે આવ્યું છે. ડોક્ટર પરિવાર બર્થ ડે પાર્ટીમાંથી (birthday party) પરત ફરી રહ્યો હતો ત્યારે આ ગોઝારો અકસ્માત સર્જાયો હતો. નોંધનીય છે કે રોડ સમારકામની કામગીરીને કારણે છેલ્લાં એક અઠવાડિયામાં આ જ રોડ પર 5 અકસ્માત થયા છે ત્યારે ધીમા કામકાજ બદલ લોકોએ હાઇવે ઓથોરિટી સામે પણ રોષ વ્યક્ત કર્યો છે.
.jpg)
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
