અમદાવાદઃ ઈન્ડિયન આઈડલ સીઝન 12 ના વિજેતા અને ગાયક પવનદીપ રાજન વિશે ચિંતાજનક સમાચાર સામે આવ્યાં છે. સોમવારે બપોરે 3:40 વાગ્યે અમદાવાદ નજીક તેનો કાર અકસ્માત થયો છે. આ અકસ્માતમાં પવનદીપને ઘણી ગંભીર ઈજાઓ થઈ છે. આ માર્ગ અકસ્માતનો એક વીડિયો સોશિયલ મીડિયા પર સામે આવ્યો છે, જેમાં પવનદીપ ગંભીર હાલતમાં જોવા મળી રહ્યો છે જ્યારે ડોક્ટરો તેની સારવાર કરી રહ્યાં છે.
પવનદીપને ગંભીર ઈજાઓ થઈ હતી
આ દુર્ભાગ્યપૂર્ણ અકસ્માત વિશે વધુ વિગતો હજુ સુધી જાહેર કરવામાં આવી નથી, પરંતુ સોશિયલ મીડિયા પર સામે આવેલા વીડિયોમાં ચોક્કસપણે બતાવવામાં આવ્યું છે કે પવનદીપને પગ અને હાથમાં ઈજા થઈ છે. પવનદીપના અકસ્માતના સમાચાર મળતા જ તેના ચાહકો ચોંકી ગયા છે. ગાયકને આ હાલતમાં જોઈને, તેમના ચાહકો ખૂબ જ દુઃખી છે અને આ યુવાન પ્રતિભાશાળી વ્યક્તિના ઝડપથી સ્વસ્થ થવાની કામના કરી રહ્યાં છે.
અકસ્માતમાં કારના ટુકડા થઈ ગયા
આ અકસ્માતમાં પવનદીપની કાર સંપૂર્ણપણે નાશ પામી હતી. કાર જોઈને કલ્પના કરી શકાય છે કે આ અકસ્માત કેટલો ભયાનક હશે. હાલમાં, પવનદીપ હોસ્પિટલમાં સારવાર હેઠળ છે અને ચાહકો સતત તેમની સલામતી માટે પ્રાર્થના કરી રહ્યાં છે. અકસ્માતનું કારણ ડ્રાઇવરને ઝોકું આવવાથી હોવાનું કહેવાય છે. આ અકસ્માતમાં પવનદીપની સાથે ડ્રાઇવરને પણ ગંભીર ઇજાઓ પહોંચી હતી. અકસ્માતની માહિતી મળતાં જ પોલીસ ઘટનાસ્થળે પહોંચી ગઈ અને પવનદીપ અને ડ્રાઈવરને તાત્કાલિક નજીકની હોસ્પિટલમાં દાખલ કર્યો છે.
કોણ છે પવનદીપ રાજન ?
પવનદીપ રાજન ઉત્તરાખંડના ચંપાવત જિલ્લાનો રહેવાસી છે. તેના માતા-પિતા અને બહેન લોક કલાકારો છે. પવનદીપ 2015 માં ધ વોઈસ ઓફ ઈન્ડિયામાં ભાગ લઈને ચર્ચામાં આવ્યો હતો. તે શોનો વિજેતા બન્યો અને ત્યારબાદ તેણે ઈન્ડિયન આઈડોલ 12 નો ખિતાબ જીત્યો. ઇન્ડિયન આઇડલ 12 ટ્રોફીની સાથે, પવનદીપે એક કાર અને 25 લાખ રૂપિયાની ઇનામી રકમ પણ જીતી હતી. ટોપ 5માં તે મોહમ્મદ દાનિશ, અરુણિતા કાંજીલાલ, નિહાલ તૌરો, સયાલી કાંબલે અને સન્મુખા પ્રિયા સાથે સ્પર્ધા કરી રહ્યો હતો.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
