(File Photo)
નવી દિલ્હીઃ 22 એપ્રિલ 2025 ના રોજ જમ્મુ અને કાશ્મીરના પહેલગામમાં થયેલા આતંકવાદી હુમલા બાદ ભારત અને પાકિસ્તાન વચ્ચે તણાવ છે. દરમિયાન, ગૃહ મંત્રાલયે દેશભરમાં મોક ડ્રિલ કરવાના આદેશ જારી કર્યા છે. 1971 પછી પહેલી વાર કેન્દ્ર સરકાર દ્વારા આ પ્રકારનો આદેશ જારી કરવામાં આવ્યો છે. 7 મેના રોજ દેશમાં 54 વર્ષ બાદ ગુજરાત સહિત 7 રાજ્યોના 244 જિલ્લાઓમાં આ મોક ડ્રિલ યોજાશે.
મોક ડ્રિલમાં વાયુસેના સાથે હોટલાઇન અને રેડિયો-કોમ્યુનિકેશન લિંક્સનું સંચાલન, કંટ્રોલ રૂમ અને શેડો કંટ્રોલ રૂમની કાર્યક્ષમતાનું પરીક્ષણ પણ સામેલ છે. ફાયર સર્વિસીસ, સિવિલ ડિફેન્સ અને હોમગાર્ડ્સ ડિરેક્ટોરેટ જનરલ દ્વારા જારી કરાયેલા પત્રમાં કહેવામાં આવ્યું છે કે વર્તમાન ભૂ-રાજકીય પરિસ્થિતિમાં નવા અને જટિલ પડકારો ઉભરી આવ્યાં છે, તેથી રાજ્યો- કેન્દ્રશાસિત પ્રદેશોમાં હંમેશા શ્રેષ્ઠ નાગરિક સંરક્ષણ તૈયારીઓ જાળવી રાખવી જોઈએ તે સમજદારીભર્યું રહેશે.
સાયરન કેમ વાગે છે ?
આપત્તિ જેવી કટોકટીની સ્થિતિમાં
તેનો અવાજ 2-5 કિમી સુધી સાંભળી શકાય છે
તે 120-140 ડેસિબલનો અવાજ કરે છે
અવાજ ધીમે ધીમે મોટો થાય છે અને પછી ઓછો થાય છે
જો સાયરન વાગે તો શું કરવું?
તાત્કાલિક સલામત સ્થળોએ ખસી જવું
5 થી 10 મીનિટમાં સલામત સ્થળે પહોંચવું
સાયરન વાગે ત્યારે ગભરાશો નહીં
ખુલ્લા વિસ્તારોથી દૂર રહો
ઘરો અને સુરક્ષિત ઇમારતોની અંદર જાઓ
ટીવી, રેડિયો, સરકારી ચેતવણીઓ પર ધ્યાન આપો
અફવાઓથી દૂર રહો, વહીવટીતંત્રની સૂચનાઓનું પાલન કરો
સાયરન ક્યાં લગાવવામાં આવે છે ?
સરકારી ઇમારતો
વહીવટી મકાનો
પોલીસ મુખ્યાલય
ફાયર સ્ટેશન
લશ્કરી થાણાઓ
શહેરના મોટા બજારો
પિંચ પોઇન્ટ
સિવિલ મોકડ્રીલમાં કોણ કોણ ભાગ લે છે ?
જિલ્લા મેજિસ્ટ્રેટ
સ્થાનિક વહીવટી તંત્ર
સિવિલ ડિફેન્સ વોર્ડન
પોલીસમેન
હોમગાર્ડ્સ
કોલેજ-સ્કૂલોના વિદ્યાર્થીઓ
રાષ્ટ્રીય કેડેટ કોર્પ્સ (NCC)
રાષ્ટ્રીય સેવા યોજના (NSS)
નેહરુ યુવા કેન્દ્ર સંગઠન (NYKS)
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++