લેબનોનઃ પેજર, વોકી-ટોકી સહિત અનેક ઈલેક્ટ્રોનિક ઉપકરણોમાં બ્લાસ્ટ થયા બાદ લેબનોનમાં ગભરાટનો માહોલ છે.વિસ્ફોટોમાં લગભગ 20 લોકોનાં મોત થયા છે અને ઘણા લોકો ઘાયલ થયા છે. જાનહાનિમાં લેબનીઝ મિલિશિયા હિઝબુલ્લાહના કેટલાક સભ્યોનો પણ સમાવેશ થાય છે. આ વિસ્ફોટો પાછળ ઈઝરાયેલનો સીધો હાથ હોવાનું કહેવાય છે. પરંતુ વિશ્વભરના લોકો આશ્ચર્યમાં છે કે કેવી રીતે ઇઝરાયેલની ગુપ્તચર એજન્સીઓએ પેજર અને વોકી ટોકીને ઘાતક હથિયારોમાં ફેરવી નાખ્યા. આ કેસમાં કેરળમાં જન્મેલા એક વ્યક્તિનું નામ સામે આવી રહ્યું છે, જે હવે નોર્વેનો નાગરિક છે.
રિન્સન જોસ કોણ છે ?
નોર્ટા ગ્લોબલ લિમિટેડ નામની બલ્ગેરિયન કંપની હિઝબુલ્લાહના પેજર ડીલમાં સામેલ હતી. આ કંપનીની સ્થાપના નોર્વેના નાગરિક રિન્સન જોસ દ્વારા કરવામાં આવી હતી. જોસનો જન્મ કેરળના વાયનાડમાં થયો હતો. ત્યાંથી એમબીએ કર્યા પછી તેઓ નોર્વે ગયો હતો. રિન્સનના પિતા જોસ મુથેદમ કેરળના માનંતવાડીમાં એક દુકાનમાં દરજી તરીકે કામ કરતા હતા, તેઓ ટેલર જોસ તરીકે ઓળખાય છે.
લેબનોન બ્લાસ્ટમાં નામ કેવી રીતે જોડાયું ?
હિઝબોલ્લાહના સભ્યો સાથે જોડાયેલા હજારો પેજર્સ વિસ્ફોટ થયા પછી પ્રથમ ધ્યાન પેજર ઉત્પાદક કંપની પર ગયું. આ પેજર્સમાં તાઈવાની કંપની ગોલ્ડ એપોલોનું બ્રાન્ડ નામ છે. ગોલ્ડ એપોલોના સ્થાપક અને પ્રમુખ સુ ચિંગ-કુઆંગે સ્પષ્ટતા કરી કે આ પેજર્સ અમારા નથી. ફક્ત અમારી બ્રાન્ડ તેના પર હતી.
ઈઝરાયેલે કેવી રીતે જાળ બિછાવી ?
કુઆંગે આ પેજર્સને હંગેરિયન કંપની BAC કન્સલ્ટિંગ સાથે જોડ્યા. તેમને કહ્યું કે તે પેજર બુડાપેસ્ટ સ્થિત કંપની દ્વારા બનાવવામાં આવ્યાં હતા. જેમણે પોતાની પેઢી સાથે ત્રણ વર્ષનો લાયસન્સ કરાર કર્યો હતો. હંગેરિયન મીડિયા આઉટલેટ ટેલેક્સે જણાવ્યું કે BAC કન્સલ્ટિંગ ટ્રાન્ઝેક્શનમાં માત્ર એક મધ્યસ્થી હતું. BAC પાસે ઓફિસ પણ નથી અને તે માત્ર એક સરનામે નોંધાયેલ છે. આવી સ્થિતિમાં એવી આશંકા છે કે BAC કન્સલ્ટિંગ ઇઝરાયેલ દ્વારા સ્થાપિત નકલી ફર્મ હોઈ શકે છે.
BAC કન્સલ્ટિંગના મેનેજિંગ ડિરેક્ટર ક્રિસ્ટિઆના બરસાની-આર્કિડિયાકોનોએ સોફિયા સ્થિત બલ્ગેરિયન કંપની, નોર્ટા ગ્લોબલ લિમિટેડ સાથે કરાર પર હસ્તાક્ષર કર્યાં હતા. આ બલ્ગેરિયા સ્થિત નોર્ટા ગ્લોબલની સ્થાપના વાયનાડમાં જન્મેલા રિન્સન જોસ દ્વારા કરવામાં આવી હોવાનું કહેવાય છે. કાગળ પર ભલે BAC કન્સલ્ટિંગે ગોલ્ડ એપોલો સાથે કરાર કર્યો હતો. પરંતુ નોર્ટા ગ્લોબલ ખરેખર પેજર ડીલ પાછળ હતો. તે ક્રેડલ હતી, જે મધ્ય પૂર્વ-કેન્દ્રિત વેબસાઇટ હતી જેણે નોર્ટા ગ્લોબલને રિન્સન જોસ સાથે નામ જોડ્યું હતું.
તપાસમાં શું મળ્યું ?
નોર્વેના નાગરિક બનેલા રિન્સન હોજેએ 2022માં નોર્ટા ગ્લોબલની સ્થાપના કરી હતી. તે બલ્ગેરિયાની રાજધાની સોફિયામાં રહેણાંકના સરનામા પર સ્થિત હતું. જો કે, બલ્ગેરિયન સુરક્ષા એજન્સી SANS દ્વારા કરવામાં આવેલી તપાસમાં કહેવામાં આવ્યું છે કે પેજરનું કોઈ શિપમેન્ટ તેમના દેશમાંથી પસાર થયું નથી અને આ રીતે રિન્સન જોસ અને તેના નોર્ટા ગ્લોબલને ક્લીનચીટ મળી છે.
ટેલેક્સના અહેવાલ બાદ SANS એ ગુરુવારે વિસ્ફોટ થતા પેજરના સંબંધમાં કોઈપણ બલ્ગેરિયન કંપનીની ભૂમિકાની તપાસ શરૂ કરી હતી. જો કે તપાસ પછી SANS એ જણાવ્યું હતું કે 17 સપ્ટેમ્બરના વિસ્ફોટો સાથે જોડાયેલા કોઈપણ ઉપકરણો બલ્ગેરિયામાં આયાત, નિકાસ અથવા ઉત્પાદિત નથી.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
