આજકાલ લોકો ખૂબ જ ઝડપથી મેદસ્વી બની રહ્યાં છે. આવી સ્થિતિમાં વધતા વજનને ઘટાડવા માટે લોકો આહારથી લઈને કસરત સુધીના તમામ પ્રયાસો કરે છે. તેમ છતાં કોઈ પરિણામ મળતું નથી અને સ્થૂળતા યથાવત્ રહે છે. જો તમે પણ સ્થૂળતા ઘટાડવાના વિવિધ પ્રયાસો કરીને કંટાળી ગયા હોવ તો અમે તમારા માટે એક અસરકારક રેસિપી લાવ્યાં છીએ.
તજ એ ગુણોનો ભંડાર છે
રસોડામાં મળતી તજ તમારું વજન ઘટાડવામાં ઘણી મદદગાર સાબિત થઈ શકે છે. આ એક એવો મસાલો છે જે ન માત્ર બિરયાની અને ચાનો સ્વાદ વધારે છે પરંતુ સ્વાસ્થ્ય સંબંધિત અનેક સમસ્યાઓમાં પણ અસરકારક છે. તજમાં કેલ્શિયમ અને ફાઈબર ભરપૂર માત્રામાં જોવા મળે છે. ઉપરાંત તેમાં વિટામિન એ, વિટામિન બી અને વિટામિન સી અને એન્ટીઑકિસડન્ટો પણ છે જે તમારા સ્વાસ્થ્ય માટે ખૂબ ફાયદાકારક છે.
તજ ચરબી ઘટાડવામાં ફાયદાકારક છે
સૌથી પહેલા એક ગ્લાસ પાણીમાં 6 ગ્રામ તજ પાવડર નાખીને આ પાણીને મધ્યમ તાપ પર લગભગ 15 મિનીટ સુધી ઉકાળો. પાણી અડધું થઈ જાય એટલે ગેસ બંધ કરી દો. આ પછી જ્યારે તે ગરમ થઈ જાય તો તેને ગાળીને તેમાં એક ચમચી મધ નાખો. હવે રોજ રાત્રે સૂતા પહેલા આ પાણી પીવો. જો તમે સવારે પણ આ પાણી પીવાનું શરૂ કરશો તો તમને વધુ સારા પરિણામ મળશે.
આ સમસ્યાઓમાં પણ તજ અસરકારક છે
સુગર કંટ્રોલ થાય છેઃ બ્લડ શુગર લેવલને કંટ્રોલ કરવામાં તજનું પાણી મદદરૂપ છે. તજ ઇન્સ્યુલિનને સુધારે છે અને સુગર લેવલ ઘટાડે છે. આવી સ્થિતિમાં ડાયાબિટીસથી પીડિત લોકોએ તજનું પાણી અવશ્ય પીવું જોઈએ.
રોગપ્રતિકારક શક્તિ પણ મજબૂત બને છેઃ તજનું પાણી પીવાથી રોગપ્રતિકારક શક્તિ પણ મજબૂત થાય છે. જે લોકોની રોગપ્રતિકારક શક્તિ નબળી હોય તેઓએ તજનું સેવન કરવું જોઈએ. ઉપરાંત તેનું સેવન તમને મોસમી રોગોથી પણ દૂર રાખશે.
(Disclaimer- આ લેખમાં દર્શાવેલા સૂચનો માત્ર સામાન્ય માહિતીના હેતુ માટે છે, તેને વ્યાવસાયિક તબીબી સલાહ તરીકે ન લેવા જોઈએ. કોઈ પણ રોગ માટે ડૉક્ટરની સલાહ લેવી જરૂરી છે. GUJARATPOST NEWS આ માહિતીને લગતી કોઇ પણ જવાબદારી સ્વીકારતું નથી)
