(પ્રતિકાત્મક ફોટો)
ગાંધીનગરઃ પોઇચા જેવું મંદિર બનાવવાની લાલચ આપીને 3 કરોડ રૂપિયાની છેતરપિંડી આચરનારા વી પી સ્વામીની સીઆઈડી ક્રાઈમ બ્રાંચે ધરપકડ કરી છે, સ્વામિનારાયણ સંપ્રદાયનાં સાધુ વી.પી. સ્વામી (વિજય પ્રકાશ સ્વામી) જે.કે. સ્વામી (જયકૃષ્ણ) એમ.પી. સ્વામી અને વી.પી. સ્વામી સહિત લાલજી ઢોલા, સુરેસ, ભુપેન્દ્ર અને વિભસિંહ નામના શખ્સો વિરુધ્ધ રાજકોટનાં ભક્તિનગર પોલીસ મથકમાં રૂ. 3.04 કરોડની છેતરપિંડીની ફરિયાદ નોંધાઈ હતી.
જેમાં આ શખ્સોએ પોઈચા જેવું મંદિર બનાવવાના નામે મોટું વળતર મળશે તેવી લાલચ આપીને જમીનની ખરીદી કરી હતી. એ પછી નાણાં ચુકવવામાં ગલ્લા તલ્લાં કરવામાં આવતા ફરિયાદ નોંધાયા બાદ પોલીસે સ્વામીના સાગરિત લાલજી ઢોલાને સુરતથી ઝડપી લીધો હતો. ત્યારબાદ સીઆઈડી ક્રાઈમ ગાંધીનગનરે તપાસ સોંપવામાં આવતા જે.કે. સ્વામી ઝડપાયા હતા.
જે બાદ મુખ્ય જૂનાગઢનાં ઝાલણસરનાં સ્વામી વિજય પ્રકાશ ઉર્ફે વી.પી. સ્વામીની સીઆઈડી ક્રાઈમ ગાંધીનગર દ્વારા ધરપકડ કરવામાં આવી હતી. રાજકોટનાં જમીન લેવેચના ધંધાર્થી જસ્મીનભાઈ માઈકની ફરિયાદનાં આધારે વી.પીસ્વામીની ધરપકડ થયા બાદ આજે રાજકોટની કોર્ટમાં રીમાન્ડ માટે રજૂ કરવામાં આવશે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
