બ્રિટિશ કોલંબિયા: કેનેડાના ટમ્બલર રિજ સ્કૂલમાં ગોળીબારમાં 10 લોકોનાં મોત થયા છે અને 24 લોકો ઘાયલ થયા છે. ઘાયલોને હોસ્પિટલમાં દાખલ કરવામાં આવ્યાં છે. રોયલ કેનેડિયન માઉન્ટેડ પોલીસે (RCMP) આ ઘટનાની પુષ્ટિ કરી હતી.
શંકાસ્પદ ગોળીબાર કરનારનું મોત થયું
પોલીસના જણાવ્યાં અનુસાર, મંગળવારે બપોરે ટમ્બલર રિજ સેકન્ડરી સ્કૂલમાં થયેલા ગોળીબારમાં એક શંકાસ્પદ સહિત 10 લોકો માર્યા ગયા હતા. લગભગ 24 લોકોને ઇજાઓ થઈ હોવાથી સારવાર આપવામાં આવી રહી છે.
ટમ્બલર રિજ આરસીએમપીએ જણાવ્યું હતું કે તેમને બપોરે 1:20 વાગ્યાની આસપાસ શાળામાં થયેલા ગોળીબારના અહેવાલો મળ્યાં હતા. પોલીસે શાળામાં પ્રવેશીને ધમકી આપનારને શોધવાનો પ્રયાસ કર્યો હતો, શોધખોળ દરમિયાન, અધિકારીઓને ઘણા પીડિતો મળ્યા. શંકાસ્પદ માનવામાં આવતો વ્યક્તિ પણ શાળાની અંદર મૃત હાલતમાં મળી આવ્યો હતો. શાળાની અંદર છ વધુ લોકો મૃત હાલતમાં મળી આવ્યા હતા. એક પીડિતનું હોસ્પિટલમાં લઈ જતી વખતે મૃત્યુ થયું હતું.
બે ઘાયલોને એરલિફ્ટ કરીને હોસ્પિટલમાં ખસેડવામાં આવ્યાં હતા
પોલીસે જણાવ્યું હતું કે ગંભીર રીતે ઘાયલ બે લોકોને સ્કૂલમાંથી એરલિફ્ટ કરીને બહાર કાઢવામાં આવ્યા હતા. બાકીના બધા વિદ્યાર્થીઓ અને સ્ટાફને સુરક્ષિત રીતે બહાર કાઢવામાં આવ્યા હતા, સાંજે લગભગ 5:45 વાગ્યા પછી, કટોકટી ચેતવણી પાછી ખેંચી લેવામાં આવી છે, જેમાં રહેવાસીઓને ઘરની અંદર રહેવાની વિનંતી કરવામાં આવી છે. અન્ય કોઈ શંકાસ્પદ વ્યક્તિ નથી કે જાહેર જનતા માટે કોઈ ખતરો નથી. આ ઘટના ઉત્તરપૂર્વીય બ્રિટિશ કોલંબિયાના નાના શહેર ટમ્બલર રિજમાં બની હતી, જ્યાં શાળાને બંધ કરીને તપાસ ચાલુ છે.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++