રાજસ્થાનઃ ભ્રષ્ટાચાર સામે મોટી કાર્યવાહીમાં રાજસ્થાનના ભ્રષ્ટાચાર વિરોધી બ્યુરો (ACB) એ પંચાયતી રાજ વિભાગના જુનિયર સહાયક શુભંકર પરિહાર (છીપા) સામે અપ્રમાણસર સંપત્તિના કેસના સંદર્ભમાં પાંચ સ્થળોએ દરોડા પાડ્યાં હતા. દરમિયાન લાખો રૂપિયાની ગેરકાયદેસર મિલકતોના પુરાવા મળ્યાં છે. 1 કિલોથી વધુ સોનું અને 2 કિલો ચાંદી સહિત રોકડ મળી છે.
લાંચ લેનારા જુનિયર આસિસ્ટન્ટના ઘરે દરોડામાં બિકાનેર શહેરમાં તેના ત્રણ આલીશાન મકાનો, પુનારસર ગામમાં એક આલીશાન મકાન અને લગભગ 17 હેક્ટર ખેતીની જમીન મળી આવી હતી.
એસીબીએ એક ગુપ્ત ફરિયાદની ચકાસણી કરી હતી જેમાં આરોપીએ તેની કાયદેસર આવક કરતાં લગભગ 938 ટકા વધુ સંપત્તિ ભેગી કરી હતી. ત્યાર બાદ તેના પર કેસ નોંધવામાં આવ્યો અને બિકાનેર અને ફલોદીમાં એક સાથે કાર્યવાહી કરવામાં આવી હતી.
આ કામગીરી બિકાનેર શહેરના અનેક સ્થળોએ, તેમજ પુનારસર ગામ અને ગ્રામ પંચાયત કનાસર (પંચાયત સમિતિ બાપ, ફલોદી) માં હાથ ધરવામાં આવી હતી. આ સમગ્ર કામગીરી ડેપ્યુટી ઇન્સ્પેક્ટર જનરલ (ડીઆઈજી) ની દેખરેખ હેઠળ હાથ ધરવામાં આવી હતી.
આરોપીએ પોતાના પદનો દુરુપયોગ કરીને ગેરકાયદેસર રીતે કરોડો રૂપિયાની સંપત્તિ ભેગી કરી હતી. વિગતવાર તપાસ ચાલી રહી છે અને તેના સમગ્ર આવક અને ખર્ચના હિસાબોની તપાસ કરવામાં આવી રહી છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
