નવી દિલ્હી: સ્વતંત્રતા દિવસ પર લાલ કિલ્લા પરથી વડાપ્રધાન નરેન્દ્ર મોદીએ નેક્સ્ટ જનરેશન જીએસટી રિફોર્મની મોટી જાહેરાત કરી છે. કહ્યું કે આ દિવાળી પર દેશના લોકોને એક મોટી ભેટ મળવાની છે. છેલ્લા 8 વર્ષમાં, અમે GSTમાં મોટા સુધારા કર્યા છે. અમે આગામી પેઢીના GST સુધારા લાવી રહ્યાં છીએ. તેનાથી દેશભરમાં કરનો બોજ ઓછો થશે.
રોજિંદા વસ્તુઓ સસ્તી થશે: મોદી
વડાપ્રધાન મોદીએ કહ્યું કે છેલ્લા 8 વર્ષમાં GSTમાં મોટો સુધારો કરવામાં આવ્યો છે. હવે સમયની માંગ એ છે કે આપણે તેની સમીક્ષા કરીએ. અમે એક ઉચ્ચ સત્તા સમિતિની રચના કરી અને તેની સમીક્ષા કરાવી. રાજ્યો સાથે ચર્ચા કરી. અમે આગામી પેઢીના GST સુધારા લાવી રહ્યાં છીએ. દિવાળી દરમિયાન તમારા માટે આ એક ભેટ હશે. મૂળભૂત માનવ જરૂરિયાતો પરના કરમાં નોંધપાત્ર ઘટાડો થશે. રોજિંદા વસ્તુઓ ખૂબ સસ્તી થશે.
#WATCH | Delhi: Prime Minister Narendra Modi says, "This Diwali, I am going to make it a double Diwali for you... Over the past eight years, we have undertaken a major reform in GST... We are bringing next-generation GST reforms. This will reduce the tax burden across the… pic.twitter.com/2hAPP0CFtH
— ANI (@ANI) August 15, 2025
આગામી પેઢીના GST સુધારા માટે ટાસ્ક ફોર્સની રચના
પીએમ મોદીએ કહ્યું કે અમે આગામી પેઢીના GST સુધારા માટે એક ટાસ્ક ફોર્સની રચના કરવાનો નિર્ણય લીધો છે. આ ટાસ્ક ફોર્સે આ કાર્ય સમય મર્યાદામાં પૂર્ણ કરવું જોઈએ. આ ટાસ્ક ફોર્સની રચના વર્તમાન નિયમો, કાયદાઓ, નીતિઓ, પ્રથાઓને 21મી સદી માટે યોગ્ય બનાવવા, વૈશ્વિક પર્યાવરણ માટે યોગ્ય બનાવવા અને 2047 માં ભારતને વિકસિત રાષ્ટ્ર બનાવવા માટે કરવામાં આવી છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
