Attack on Hindu Temple in Candada Updates: કેનેડામાં હિન્દુ મંદિર પર થયેલા હુમલા મામલે વડાપ્રધાન નરેન્દ્ર મોદીએ પ્રતિક્રિયા આપી છે. મોદીએ એક્સ પરની પોસ્ટમાં જણાવ્યું કે, હું કેનેડામાં હિંદુ મંદિર પર થયેલા હુમલાની સખત નિંદા કરું છું. અમારા રાજદ્વારીઓને ડરાવવાના કાયર પ્રયાસો પણ એટલા જ ભયાનક છે. હિંસાનાં આવાં કૃત્યો ભારતના સંકલ્પને ક્યારેય નબળો પાડી શકશે નહીં. અમે કેનેડાની સરકાર આ મામલે કાર્યવાહી કરવા અપીલ કરીએ છીએ.
ભારત સરકારે કેનેડાના બ્રામ્પટનમાં હિન્દુ સભા મંદિરમાં ખાલિસ્તાનીઓ દ્વારા કરવામાં આવેલી હિંસાની નિંદા કરી છે અને આશા વ્યક્ત કરી છે કે પીડિતોને ન્યાય આપવામાં આવશે. વિદેશ મંત્રાલયે નિવેદનમાં જણાવ્યું હતું કે કેનેડામાં ભારતીય નાગરિકોની સુરક્ષાને લઈને ભારત ખૂબ જ ચિંતિત છે.
વિદેશ મંત્રાલયના પ્રવક્તા રણધીર જયસ્વાલે જણાવ્યું કે, અમે બ્રામ્પટન, ઑન્ટારિયોમાં હિન્દુ મંદિરમાં ખાલિસ્તાનીઓ દ્વારા કરવામાં આવેલી હિંસાની નિંદા કરીએ છીએ. અમે કેનેડા સરકારને આવા હુમલાથી તમામ પૂજા સ્થાનોનું રક્ષણ કરવામાં આવે તેવું આહ્વવાન કરીએ છીએ. અમે એ પણ આશા રાખીએ છીએ કે હિંસામાં સામેલ લોકો સામે કાર્યવાહી કરવામાં આવશે. નોંધનિય છે કે હિન્દુ મંદિરમાં શ્રદ્ધાળુઓને જાહેરમાં જ માર મારનારા ખાલિસ્તાનીઓ હતા.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
I strongly condemn the deliberate attack on a Hindu temple in Canada. Equally appalling are the cowardly attempts to intimidate our diplomats. Such acts of violence will never weaken India’s resolve. We expect the Canadian government to ensure justice and uphold the rule of law.
— Narendra Modi (@narendramodi) November 4, 2024
