લૂંટના ઇરાદે હત્યા કરાઇ
વર્જિનિયામાં સ્ટોર પર નોકરી કરતા મહિલાની ગોળી મારીને હત્યા
મેઘનાબેનનો પરિવાર આઘાતમાં
હત્યા કરનારા આરોપીએ પહેલા તેના સાવકા બાપની હત્યા કરી હતી અને મહિલાની હત્યા કર્યા પછી પોતે આત્મહત્યા કરી લીધી
અમેરિકાઃ વિદેશમાં ગુજરાતીની હત્યાનો વધુ એક બનાવ સામે આવ્યો છે, મહેસાણા જિલ્લાના વિજાપુર તાલુકાના જંત્રાલ ગામના વતની મેઘના પટેલની અમેરિકાના વર્જિનિયામાં ગોળી મારીને હત્યા કરી દેવાઇ છે. અજાણ્યા શખ્સ દ્વારા કરાયેલા હુમલામાં તેમનું મોત થઇ ગયું છે.
મેઘના પટેલ પોતાના પરિવાર સાથે લાંબા સમયથી અમેરિકામાં રહેતા હતા અને હવે તેમની હત્યા થઇ છે, સ્થાનિક પોલીસ દ્વારા સમગ્ર મામલે તપાસ શરૂ કરવામાં આવી છે, સ્ટોર અને આસપાસના CCTV ફૂટેજ તેમજ અન્ય પુરાવાઓ ભેગા કરવામાં આવી રહ્યાં છે.
વિજાપુરના જંત્રાલ ગામમાં આ સમાચારો પહોંચતા તેમના અહીં રહેતા પરિવારમાં અને સ્થાનિકોમાં શોકનું મોજું ફરી વળ્યું છે, હાલમાં અમેરિકી પોલીસ દ્વારા આ કેસની વધુ વિગતો ભેગી કરાઇ રહી છે.