કપડવંજ: દંતાલીના 4 લોકોનું મોડાસા પાસે અકસ્માતમાં મોત, શામળાજીથી દર્શન કરીને પરત ફરી રહ્યાં હતા

અરવલ્લીઃ દેવ દિવાળીના દિવસ બે અલગ અલગ અકસ્માતમાં 7 લોકોએ જીવ ગુમાવ્યો છે. સવારે સુરત-અંકલેશ્વર સ્ટેટ હાઇવે પર થયેલા અકસ્માતમાં ભાવનગરના પરિવારની કાર ઝાડ સાથે ટકરાતા 3 લોકોનાં મોત થયા હતા. બીજો અકસ્માત શામળાજીથી દર્શન કરીને પરત ફરી રહેલા કપડવંજ તાલુકાના દંતાલી ગામનાં 4 લોકોનાં મોત થયા છે..

દંતાલી ગામના 4 લોકો શામળાજી મંદિરેથી દર્શન કરીને પરત ફરી રહ્યાં હતા. તેમની કારનો અમદાવાદ ઉદેપુર નેશનલ હાઇવે પર મોડાસાના ગળાદર પાસે અકસ્માત સર્જાયો હતો. કાર હાઇવે પર આવેલા પુલ પરથી 35 ફૂટ નીચે પટકાઇ હતી. જેમાં કારમાં સવાર 4 લોકોના ઘટના સ્થળે મોત થયા હતા.

મૃતકોમાં અતુલભાઇ હરગોવિંદભાઈ પટેલ ઉં.વ-42, રસિકભાઈ ભુપતભાઈ પરમાર ઉં.વ-35, રીટાબેન ગોસ્વામી ઉં.વ-34, મીતાબેન ઉં.વ-12નો સમાવેશ થાય છે. અકસ્માતની જાણ થતાં આસપાસ લોકો અને પોલીસનો કાફલો ઘટના સ્થળે દોડી આવ્યો હતો. હાલમાં મૃતદેહો પોસ્ટમોર્ટમ માટે શામળાજી સિવિલ હોસ્પિટલ ખાતે ખસેડવામાં આવ્યાં છે.

અમારી મોબાઇલ એપ ડાઉનલોડ કરોઃ

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++