ઇરાને અમેરિકા સામે યુદ્ધની જાહેરાત કરી દીધી છે. ઇરાને મધ્ય પૂર્વમાં 7 અમેરિકી લશ્કરી ઠેકાણાઓ પર બેલિસ્ટિક મિસાઇલોથી હુમલો કર્યો તેમાં ઇઝરાયલનો પણ સમાવેશ થાય છે, ઇરાને એક સાથે 8 દેશો પર બદલો લીધો છે. ઇરાને સાઉદી અરેબિયા, જોર્ડન, બહેરીન, કુવૈત, કતાર, યુએઈમાં સ્થિત યુએસ નૌકાદળના ઠેકાણાઓ પર હુમલો કર્યો છે. બહેરીને જણાવ્યું કે ટાપુ રાજ્યમાં યુએસ નેવીના 5મા ફ્લીટ હેડક્વાર્ટરને નિશાન બનાવીને મિસાઇલ હુમલો કરવામાં આવ્યો હતો. તેમણે તાત્કાલિક હુમલા વિશે વધુ વિગતો આપી નથી.
બહેરીનના મનામા શહેરમાં વિસ્ફોટો સંભળાયા હતા. ઈરાને મધ્ય પૂર્વમાં યુએસ લશ્કરી થાણાઓ પર શ્રેણીબદ્ધ મિસાઈલ હુમલાઓ શરૂ કર્યા છે. ઈરાને યુએઈમાં અલ ધફરા એર બેઝ, કુવૈતમાં યુએસ આર્મી બેઝ, સાઉદી અરેબિયામાં યુએસ બેઝ, બહેરીનમાં યુએસ બેઝ પર હુમલો કર્યો છે. કતારની રાજધાની દોહામાં પણ વિસ્ફોટો સંભળાયા છે. દોહામાં એરબેઝ બંધ કરી દેવામાં આવ્યો છે.
ઈરાને સંયુક્ત આરબ અમીરાત પર પણ હુમલો કર્યો છે. ઈરાને કુવૈત, યુએઈ અને બહેરીનમાં અનેક અમેરિકી લશ્કરી થાણાઓ પર પણ હુમલો કર્યો છે. સાઉદી વિદેશ મંત્રાલયે યુએઈ, બહેરીન, કતાર, કુવૈત અને જોર્ડન પર ઈરાની હુમલાઓની નિંદા કરી છે.
બહેરીનમાં અનેક સ્થળોએ હુમલા
બહેરીનની રાજ્ય સમાચાર એજન્સી કહે છે કે દેશની બહારથી થયેલા હુમલાના પરિણામે રાજ્યની અંદર ઘણા સ્થળોએ હુમલો કરવામાં આવ્યો હતો. બહેરીને આ હુમલાને તેની સાર્વભૌમત્વ અને સુરક્ષાનું ખુલ્લેઆમ ઉલ્લંઘન ગણાવ્યું છે અને કહ્યું છે કે બહેરીનના અધિકારીઓ કટોકટી પગલાં અમલમાં મૂકી રહ્યા છે. બહેરીન રાજ્ય આ વિશ્વાસઘાત હુમલાની સખત નિંદા કરે છે જે રાજ્ય અને તેના નાગરિકો માટે સીધો ખતરો છે.
કતારમાં અનેક વિસ્ફોટ
કતારમાં મોબાઇલ ફોન પર ચેતવણીઓ આપવામાં આવી છે, લોકોને આશ્રય લેવાની વિનંતી. કતારનું હવાઈ ક્ષેત્ર બંધ કરી દેવામાં આવ્યું છે અને બધી ફ્લાઇટ્સ રદ કરવામાં આવી છે.
કુવૈતમાં સાયરન અને વિસ્ફોટોના અવાજો સંભળાયા
પ્રત્યક્ષદર્શીઓએ યુએસ આર્મી સેન્ટ્રલ સ્થિત કુવૈતમાં સાયરન અને વિસ્ફોટોના અવાજો સાંભળ્યા હોવાના અહેવાલ આપ્યા છે. કતારમાં અલ ઉબૈદ એર બેઝ પર હુમલો થયો છે, કુવૈતમાં અલ સાલેમ એર બેઝ પર હુમલો થયો છે. યુએઈમાં અલ ધફરા એર બેઝ પર હુમલો થયો છે. આ ઉપરાંત, ઈરાને બહેરીનમાં યુએસ લશ્કરી બેઝ પર હુમલો કર્યો છે.
અબુ ધાબીમાં એક વ્યક્તિનું મોત થયું
ઈરાનના હુમલામાં સાઉદી અરેબિયાની રાજધાની રિયાધ, યુએઈના દુબઈ અને અબુ ધાબીને નિશાન બનાવવામાં આવ્યાં હતા. અબુ ધાબીમાં અનેક વિસ્ફોટ થયાના અહેવાલ છે. અબુ ધાબીમાં એક વ્યક્તિના મોતના અહેવાલ છે. દુબઈમાં એક જોરદાર વિસ્ફોટ થયો છે. યુએઈએ કહ્યું છે કે તે આ હુમલાઓ માટે ઈરાનને જવાબ આપશે.
ઇરાકમાં 2 લોકોનાં મોત
પોપ્યુલર મોબિલાઇઝેશન ફોર્સના પ્રવક્તાએ જણાવ્યું કે બગદાદના દક્ષિણમાં આવેલા જુર્ફ અલ-સખારમાં હવાઈ હુમલા બાદ 4 વિસ્ફોટોમાં બે ઇરાકી હાશિદ શાબી લડવૈયાઓ માર્યા ગયા છે. અને ત્રણ અન્ય ગંભીર રીતે ઘાયલ થયા હતા. દરમિયાન, બ્રિટને બહેરીન, કુવૈત, કતાર અને સંયુક્ત આરબ અમીરાતમાં રહેતા બ્રિટિશ નાગરિકોને તાત્કાલિક સુરક્ષિત સ્થળોએ ખસી જવા જણાવ્યું છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
