ટોરેન્ટોઃ કેનેડામાં ગોળીબાર થતાં 21 વર્ષીય ભારતીય વિદ્યાર્થીનીનું મોત થયું છે. ઘટના સમયે પીડિતા કામ પર જવા માટે બસ સ્ટોપ પર બસની રાહ જોઈ રહી હતી ત્યારે તેને ગોળી વાગી હતી. પોલીસનું કહેવું છે કે બસ સ્ટોપ પાસે એક કારમાંથી ગોળીબાર કરવામાં આવ્યો હતો. બે કાર સવારોએ એકબીજા પર ગોળીબાર કર્યો હતો અને તેણે પોતાનો જીવ ગુમાવ્યો હતો.
મૃતક ભારતીય વિદ્યાર્થીનીની ઓળખ હરસિમરત રંધાવા તરીકે થઈ છે, જે કેનેડાના ઓન્ટારિયોના હેમિલ્ટનમાં મોહૌક કોલેજની વિદ્યાર્થીની છે. ટોરેન્ટોમાં ભારતના કોન્સ્યુલેટ જનરલે સોશિયલ મીડિયા પર શેર કરેલી પોસ્ટમાં લખ્યું કે ભારતીય વિદ્યાર્થી હરસિમરત રંધાવાના મોતથી અમે દુઃખી છીએ. સ્થાનિક પોલીસના જણાવ્યાં મુજબ તે એક નિર્દોષ પીડિતા હતી જે બસ સ્ટોપ પર થયેલા ગોળીબારમાં ફસાઈ ગઈ હતી. પોલીસ ઘટનાની તપાસ કરી રહી છે. અમે પીડિત પરિવારના સંપર્કમાં છીએ અને જરૂરી તમામ મદદ પૂરી પાડી રહ્યાંંંં છીએ. આ મુશ્કેલ સમયમાં અમારી સંવેદના પીડિત પરિવાર સાથે છે.
પોલીસે જણાવ્યું હતું કે તેમને હેમિલ્ટનના અપર જેમ્સ વિસ્તારમાં સાંજે લગભગ 7.30 વાગ્યે ગોળીબારના અહેવાલ મળ્યાંં હતા. જ્યારે પોલીસ ઘટનાસ્થળે પહોંચી ત્યારે ભારતીય વિદ્યાર્થીની ઘાયલ હાલતમાં મળી આવી હતી અને તેની છાતીમાં ગોળી વાગી હતી.પોલીસ વિદ્યાર્થીનીને હોસ્પિટલ લઈ ગઈ હતી, પરંતુ તેનું મોત નીપજ્યું હતું. સીસીટીવી ફૂટેજની તપાસમાં જાણવા મળ્યું છે કે કાળી કારમાં સવાર લોકોએ વ્હાઇટ કાર પર ગોળીબાર કર્યો હતો. ગોળીબાર બાદ હુમલાખોરો ભાગી ગયા હતા. ગોળી નજીકના ઘરની બારીમાંથી પણ પસાર થઈ હતી. જેના કારણે ઘરમાં હાજર લોકોનો માંડ માંડ બચાવ થયો હતો. પોલીસ આરોપીની શોધખોળ હાથધરી છે.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++