અમદાવાદઃ ભારતીય ટપાલ વિભાગે તેના સ્ટાફ કાર ડ્રાઈવરની જગ્યાઓ પર ભરતી માટે સત્તાવાર નોટિફિકેશન બહાર પાડ્યું છે. આ ભરતી મેલ મોટર સર્વિસ હેઠળ કરવામાં આવી રહી છે, જેમાં યોગ્ય ઉમેદવારોને કાયમી સરકારી નોકરી અને આકર્ષક પગાર મેળવવાની તક છે. જે ઉમેદવારો 10મું પાસ છે અને જેઓ પાસે માન્ય ડ્રાઈવિંગ લાયસન્સની સાથે ડ્રાઈવિંગનો અનુભવ છે, તેમના માટે આ ભરતી વિશેષ ઉપયોગી છે.
આ ભરતી અંતર્ગત કુલ 48 પદો ભરવામાં આવશે. પદનું નામ સ્ટાફ કાર ડ્રાઈવર છે અને તેમની નિમણૂંક વિવિધ ટપાલ વિભાગની કચેરીઓમાં કરવામાં આવશે. ઉમેદવારોની પસંદગી તેમની લાયકાત, ડ્રાઈવિંગ અનુભવ અને વિભાગીય ધોરણોના આધારે કરવામાં આવશે. આ ભરતી દ્વારા ટપાલ વિભાગ તેની મેલ મોટર સેવાના સંચાલનને વધુ કાર્યક્ષમ બનાવવાની દિશામાં આગળ વધી રહ્યું છે.
લાયકાત
આ ભરતી માટે ઉમેદવારની શૈક્ષણિક લાયકાત 10 મું પાસ હોવી જોઈએ. આ ઉપરાંત, ઉમેદવાર પાસે માન્ય ડ્રાઈવિંગ લાયસન્સ હોવું આવશ્યક છે. હળવા અને ભારે વાહન ચલાવવાનો અનુભવ પસંદગી પ્રક્રિયામાં અનિવાર્ય ગણવામાં આવશે.
વય મર્યાદા
આ ભરતીમાં ઉમેદવારની ઉંમર 18 થી 27 વર્ષ વચ્ચે હોવી જોઈએ. અનામત વર્ગના ઉમેદવારોને સરકારી નિયમો મુજબ વય મર્યાદામાં છૂટછાટ આપવામાં આવશે.
પગાર ધોરણ
પસંદગી પ્રક્રિયા પૂર્ણ થયા પછી, પસંદ થયેલ ઉમેદવારોને સાતમા પગાર પંચ મુજબ લેવલ-2 હેઠળ રૂપિયા 19,900 માસિક પગાર આપવામાં આવશે. આ સાથે કર્મચારીઓને કેન્દ્ર સરકારના નિયમો મુજબ મોંઘવારી ભથ્થું, મુસાફરી ભથ્થું અને અન્ય મળવાપાત્ર ભથ્થાનો લાભ મળશે. આ પદ કાયમી સરકારી સેવા હેઠળ આવે છે, જેનાથી કર્મચારીઓને નોકરીની સુરક્ષા, પ્રોવિડન્ટ ફંડ (PF), પેન્શન અને અન્ય સામાજિક સુરક્ષા લાભો પણ પ્રાપ્ત થશે.
કેવી રીતે અરજી કરવી?
સ્ટેપ 1: ટપાલ વિભાગની વેબસાઇટ indiapost.gov.in પરથી અરજી ફોર્મ ડાઉનલોડ કરો.
સ્ટેપ 2: ફોર્મમાં તમારી સાચી વિગતો ભરો અને ફોટો ચોંટાડો.
સ્ટેપ 3: 10માની માર્કશીટ, ડ્રાઈવિંગ લાયસન્સ અને અનુભવ પ્રમાણપત્રની નકલ જોડો.
સ્ટેપ 4: તમામ દસ્તાવેજો ફોર્મ સાથે પરબિડીયામાં (કવરમાં) મૂકો.
સ્ટેપ 5: આ પરબિડીયું સ્પીડ પોસ્ટ અથવા રજિસ્ટર્ડ પોસ્ટ દ્વારા નીચેના સરનામે મોકલી આપો:
Office of the Senior Manager, Mail Motor Service, GPO Compound, Mirzapur, Ahmedabad - 380001
મહત્વની સલાહ
ઉમેદવારોને સલાહ આપવામાં આવે છે કે અરજી ફોર્મ ભરતી વખતે તમામ વિગતો કાળજીપૂર્વક નોંધવી અને જરૂરી દસ્તાવેજો યોગ્ય ક્રમમાં જોડવા. કોઈપણ પ્રકારની ભૂલ અથવા અધૂરી અરજીના કિસ્સામાં અરજી રદ થઈ શકે છે, તેથી સમય મર્યાદા પહેલા અરજી પ્રક્રિયા પૂર્ણ કરવી હિતાવહ છે.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++