ભૂજઃ ફરીયાદીએ પ્રધાનમંત્રી આવાસ યોજના હેઠળ પોતાની તથા તેના સંબધીઓને મકાન બનાવવા મળવાપાત્ર સહાય માટે ભૂજ તાલુકા પંચાયત કચેરીમાં અરજી કરી હતી. જે માટે તેઓ વિશાલ ભરતભાઈ જોષી, ટેકનીકલ આસિસ્ટન્ટ (કરાર આધારિત), પ્રધાનમંત્રી આવાસ યોજના (ગ્રામીણ) તાલુકા પંચાયત ભૂજને રૂબરૂ મળ્યાં હતા, તેઓએ આ સહાય માટે જરૂરી ટેકનીકલ કાર્યવાહી કરી આપવા રૂ.40,000 ની લાંચની માંગણી કરી હતી, લાંચની રકમ બાબતે વિશાલ ભરતભાઈ જોષી, ટેકનીકલ આસિસ્ટન્ટ (કરાર આધારિત) એ દર્શન વિષ્ણુભાઈ પટેલ, ગ્રામ સેવક, પ્રધાનમંત્રી આવાસ યોજના (ગ્રામીણ) ને મળવા માટે જણાવ્યું હતું.
ફરિયાદી લાંચ આપવા માંગતા ન હોવાથી તેઓએ ભૂજ એસીબીનો સંપર્ક કરીને ફરિયાદ આપી હતી. ફરિયાદને આધારે લાંચનું છટકું ગોઠવ્યું હતું. જેમાં વિશાલ જોષીએ ફરિયાદીને ફોન પર દર્શન પટેલને લાંચની રકમ આપી દેવા જણાવ્યું હતું. જે થયેલ વાતચીતને આધારે ફરિયાદીએ દર્શન પટેલને રૂ.40,000 ની લાંચ તાલુકા પંચાયત કચેરી, ભૂજમાં આપી અને તેઓને એસીબીએ ઝડપી લીધા હતા, એક આરોપી હજુ ફરાર છે.
ટ્રેપિંગ અધિકારી: એલ.એસ.ચૌધરી,
પોલીસ ઇન્સપેકટર, ભૂજ એ.સી.બી. પો.સ્ટે. તથા સ્ટાફ
સુપર વિઝન અધિકારી: કે.એચ.ગોહિલ,
મદદનીશ નિયામક, એ.સી.બી. બોર્ડર એકમ, ભૂજ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
