વોંશિગ્ટનઃ મધ્ય પૂર્વમાં તણાવ ઓછો થયો છે અને ઈરાન- ઇઝરાયેલ વચ્ચે યુદ્ધવિરામ બાદ શાંતિ પુનઃસ્થાપિત થઈ છે. દરમિયાન, યુએસ રાષ્ટ્રપતિ ડોનાલ્ડ ટ્રમ્પે ફરી એકવાર પુનરોચ્ચાર કર્યો છે કે હવાઈ હુમલાઓથી ઈરાનના પરમાણુ સ્થળોનો સંપૂર્ણપણે નાશ કરવામાં આવ્યો છે.
જો જરૂર પડશે તો અમે ઈરાન પર ફરીથી હુમલો કરવામાં અચકાઈશું નહીં. જો ભવિષ્યમાં ઈરાન સંવેદનશીલ પ્રવૃત્તિઓ ફરી શરૂ કરશે તો અમેરિકા ફરીથી હુમલો કરી શકે છે. ડોનાલ્ડ ટ્રમ્પે કહ્યું- જો ઈરાન તે સ્તર સુધી યુરેનિયમનું સંવર્ધન કરે છે, તો તે અમેરિકા માટે ચિંતાનો વિષય હશે.
વ્હાઇટ હાઉસ ખાતે પ્રેસ કોન્ફરન્સ દરમિયાન મીડિયાના એક પ્રશ્નના જવાબમાં ટ્રમ્પે કહ્યું કે તેઓ ઈરાનના સુપ્રીમ લીડર અલી ખામેની દ્વારા કરવામાં આવેલી ટિપ્પણીઓનો ટૂંક સમયમાં જવાબ આપવાનું વિચારી રહ્યાં છે. યુદ્ધવિરામ પછી, ખામેનીએ કહ્યું હતું કે ઈરાને કતારમાં યુએસ લશ્કરી થાણાનો નાશ કર્યો છે. આ અમેરિકાના મોઢા પર થપ્પડ છે.
ટ્રમ્પે એ દાવાઓને પણ નકારી કાઢ્યાં કે ઈરાનના પરમાણુ સ્થળોને એટલું નુકસાન થયું નથી જેટલું અમેરિકી રાષ્ટ્રપતિએ દાવો કર્યો હતો. ટ્રમ્પે એવા દાવાઓને પણ નકારી કાઢ્યા કે ઈરાનના પરમાણુ સ્થળોને પૂરતું નુકસાન થયું નથી અને આંતરરાષ્ટ્રીય પરમાણુ ઊર્જા એજન્સી અથવા અન્ય પ્રતિષ્ઠિત સ્ત્રોતો દ્વારા ઈરાનના પરમાણુ સ્થળોના નિરીક્ષણને સમર્થન આપ્યું.
એવો દાવો કરવામાં આવી રહ્યો છે કે ગાઝામાં ઇઝરાયલ અને હમાસ વચ્ચે ચાલી રહેલ યુદ્ધ 15 દિવસમાં સમાપ્ત થઈ જશે. યુએસ પ્રમુખ ટ્રમ્પ અને ઇઝરાયલી વડાપ્રધાન નેતન્યાહૂ ગાઝામાં યુદ્ધ બંધ કરવા અને અબ્રાહમ કરારનો વિસ્તાર કરવા સંમત થયા છે.
યુએઈ અને ઇજિપ્તના સમર્થનથી ઇઝરાયલના નેતૃત્વ હેઠળ ગાઝામાં સરકાર ચલાવવાની પણ ચર્ચા થઈ છે. ચિંતા એ છે કે શું ઈરાને ખરેખર તેના પરમાણુ સ્થળોએથી સમૃદ્ધ યુરેનિયમ દૂર કર્યું છે ? શું તે હજુ પણ સલામત છે અને શું તેમાંથી પરમાણુ બોમ્બ બનાવી શકાય છે ? SIPRI મુજબ, વિશ્વના 90% પરમાણુ શસ્ત્રો અમેરિકા અને રશિયા પાસે છે.
જૂન 2024 માં, એક સ્વીડિશ થિંક ટેન્કે પરમાણુ શસ્ત્રો પર એક અહેવાલ બહાર પાડ્યો હતો અને તે મુજબ, હાલમાં વિશ્વભરમાં 3,904 પરમાણુ શસ્ત્રો, મિસાઇલો અથવા વિમાનો તૈનાત છે. ભારત, પાકિસ્તાન અને ઉત્તર કોરિયા પણ તેમની બેલિસ્ટિક મિસાઇલો પર પરમાણુ શસ્ત્રો તૈનાત કરવાની તૈયારી કરી રહ્યાં છે.
હવે અમેરિકા અને ઇઝરાયેલને ડર છે કે ઇરાન પણ આ યાદીમાં સામેલ થઈ શકે છે. પાકિસ્તાન અને ઉત્તર કોરિયાની જેમ, ઇરાન પણ પરમાણુ શક્તિ બની શકે છે. અને આ જ ચિંતા ઇઝરાયલને સૌથી વધુ પરેશાન કરી રહી છે.
ઈરાનના સર્વોચ્ચ નેતા અલી ખામેનીએ દાવો કર્યો છે કે પરમાણુ ઠેકાણાઓને કોઈ નુકસાન થયું નથી. ઈરાનના વિદેશ મંત્રીનું નિવેદન નાનું નથી, પરંતુ તેઓ તેને ખૂબ મોટું કહી રહ્યા છે. યુએસ સંરક્ષણ મંત્રીનો દાવો છે કે તેઓએ ઠેકાણાઓનો નાશ કર્યો છે.
ઈરાનના પરમાણુ સ્થળો અને પરમાણુ કાર્યક્રમને ફરી શરૂ કરવાની વાત આવે છે અને ઈરાનના પરમાણુ સ્થળો પર અમેરિકાના હુમલાઓને નિષ્ફળતા તરીકે વર્ણવવામાં આવે છે, ત્યારે અમેરિકા ગુસ્સે થઈ જાય છે. હવે ઈરાનના વિદેશ મંત્રી અબ્બાસ અરાઘચી અને અમેરિકાના સંરક્ષણ મંત્રી એક જ વાત કહી રહ્યાં છે અને તે એ છે કે ઈરાનના પરમાણુ કાર્યક્રમને ખૂબ જ ઊંડો ફટકો પડ્યો છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
