ચંબા: હિમાચલ પ્રદેશના ચંબામાં ગુરુવારે મોડી રાત્રે એક મોટો અકસ્માત થયો હતો. જિલ્લાના ચુરાહમાં એક કાર ઊંડી ખીણમાં પડી ગઈ જતા કારમાં સવાર 6 લોકોનાં મોત થયા છે. મૃતકોમાં બે મહિલાઓ, બે પુરુષો અને બે બાળકોનો સમાવેશ થાય છે. કાર જ્યાં પડી તે ખીણ 500 મીટર ઊંડી હતી.
ચાલતી કાર પર એક મોટો પથ્થર પડ્યો
ગુરુવારે રાત્રે 9:20 વાગ્યાની આસપાસ, એક સ્વિફ્ટ કાર નંબર HP 44 4246 જે ભજરાડુથી શ્રીગર ગામ જઈ રહી હતી. સૌયા પાથરી પર પર્વત પરથી ચાલતી કાર પર એક મોટો પથ્થર પડ્યો હતો. આ કારણે કાર કાબુ બહાર થઈ ગઈ અને 500 મીટર નીચે ખાડામાં પડી ગઈ. કારમાં સવાર તમામ 6 લોકોના ઘટનાસ્થળે જ મોત નીપજ્યા હતા.
સલુનીના ડીએસપીના જણાવ્યા અનુસાર પોલીસ, ફાયર બ્રિગેડ અને સ્થાનિક લોકોની મદદથી રાત્રે મૃતદેહો બહાર કાઢવામાં આવ્યા હતા. કારમાં સવાર તમામ લોકોના મોત થયા છે. આ તમામ લોકો ચંબા જિલ્લાના ચુરાહ સબડિવિઝનના રહેવાસી હતા. આ અકસ્માતમાં કોઈ માનવીય ભૂલ નહોતી. મૃતદેહોનું પોસ્ટમોર્ટમ સિવિલ હોસ્પિટલ ટીસામાં કરવામાં આવશે. આ અકસ્માતમાં ભોગ બનેલા તમામ લોકો એક જ પરિવારના હતા. મૃતકોની ઓળખ રાજેશ કુમાર, હંસો, આરતી, દીપક, રાકેશ અને ડ્રાઈવર હેમ પાલ તરીકે થઈ છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
