પોરબંદરઃ અરબી સમુદ્રમાં ભારતીય કોસ્ટગાર્ડનું હેલિકોપ્ટર ક્રેશ થયું હતું. આ ઘટનામાં ગુમ થયેલા કમાન્ડન્ટ વિપિન બાબુ અને પી અને એનવીકે કરણ સિંહના મૃતદેહ મળી આવ્યાં છે. કમાન્ડન્ટ રાકેશ કુમાર રાણાની શોધખોળ હજુ ચાલુ છે. હેલિકોપ્ટરમાં ચાર ક્રૂ મેમ્બર સવાર હતા, જેમાંથી એક ડ્રાઇવરને બચાવી લેવામાં આવ્યો હતો અને બાકીના ત્રણ ક્રૂ ગુમ હતા. પોરબંદર કોસ્ટ ગાર્ડ ડીઆઈજી પંકજ અગ્રવાલે માહિતી આપી હતી.
ઇન્ડિયન કોસ્ટ ગાર્ડ (ICG) ના આ એડવાન્સ લાઇટ હેલિકોપ્ટર (ALH) એ ગુજરાતમાં તાજેતરના તોફાની વરસાદ દરમિયાન 67 લોકોના જીવ બચાવ્યાં હતા. હેલિકોપ્ટર દુર્ઘટના પછી ગંભીર રીતે ઘાયલ ક્રૂને સારવાર માટે પોરબંદરથી લગભગ 45 કિમી દૂર દરિયામાં ભારતીય ધ્વજ મોટર ટેન્કર હરી લીલા અર્થે ખસેડાયા હતા.
આ ઘટના રાત્રે 11 વાગ્યાની આસપાસ બની હતી. ભારતીય તટરક્ષક દળના જણાવ્યા અનુસાર એર ક્રુના ચાર સભ્યોને લઈને આવેલા હેલિકોપ્ટરને જહાજની નજીક પહોંચતા જ સમુદ્રમાં ઈમરજન્સી લેન્ડિંગ કરવાની ફરજ પડી હતી. ઈમરજન્સી લેન્ડિંગનું કારણ હજુ તપાસ હેઠળ છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526