(ફાઇલ ફોટો)
MMPV India News: કોરોના બાદ ફરી એક વખત ચીનને ભરડામાં લેનારા HMPV વાયરસની ભારતમાં અન્ટ્રી થઈ હોવાનો મીડિયા રિપોર્ટ્સમાં દાવો કરવામાં આવી રહ્યો છે. બેંગલુરુમાં 8 મહિનાનું બાળક HMPV વાયરસથી સંક્રમિત થયું હોવાના અહેવાલ છે. ભારતમાં HMPV વાયરસનો આ પ્રથમ કેસ હોય શકે છે. જો કે, ભારતમાં HMPV વાયરસની ઘટનાઓ હજુ સુધી સત્તાવાર રીતે પુષ્ટિ કરવામાં આવી નથી. કર્ણાટક આરોગ્ય વિભાગનું કહેવું છે કે હજુ સુધી કોઈ સત્તાવાર પુષ્ટિ નથી, આ વાયરસ વાતાવરણમાં જોવા મળે છે અને જો તેનું પરીક્ષણ કરવામાં આવે તો લોકો પોઝિટિવ જોવા મળશે, તે સામાન્ય વાયરસ છે. હાલમાં તેની કોઈ રસી નથી, પરંતુ તેના લક્ષણો શરદી જેવા છે. 2023 માં, HMPV નેધરલેન્ડ, બ્રિટન, ફિનલેન્ડ, ઓસ્ટ્રેલિયા, કેનેડા, યુનાઇટેડ સ્ટેટ્સ અને ચીનમાં જોવા મળ્યો હતો.
HMPP વાયરસ આ રીતે ફેલાય છે
HMPP વાયરસ સામાન્ય રીતે ખાંસી અને છીંક દ્વારા ફેલાય છે. ઉપરાંત, આ વાયરસથી સંક્રમિત વ્યક્તિને સ્પર્શ કરવાથી તે ઝડપથી ફેલાય છે. ચેપ લાગ્યાના 5 દિવસની અંદર તેના લક્ષણો દેખાવા લાગે છે. નિષ્ણાંતો કહે છે કે આ વાયરસ હંમેશા હાજર રહે છે, પરંતુ તે ઠંડા હવામાનમાં વધુ સક્રિય બને છે. તે ઉધરસ અને શરદી દ્વારા એક વ્યક્તિથી બીજામાં ફેલાય છે.
ચીનમાં આ વાયરસનો ભોગ બનેલા દર્દીઓથી હૉસ્પિટલો ઉભરાઈ
દાવો કરવામાં આવી રહ્યો છે કે HMPV વાયરસે ચીનમાં હજારો લોકોને સંક્રમિત કર્યાં છે. ત્યાંની સ્થિતિ કાબૂ બહાર જઈ રહી છે, હૉસ્પિટલોની બહાર દર્દીઓની ભીડ જોવા મળી રહી છે. જો કે ચીનનું કહેવું છે કે મીડિયા રિપોર્ટ્સમાં કોઈ સત્ય નથી. આ બદલાતા હવામાનની અસર છે. ઠંડીમાં વધારો થવાને કારણે, લોકો સામાન્ય રીતે ખાંસી અને શરદીની સમસ્યાનો સામનો કરે છે. હવામાનને કારણે પણ આવું થઈ રહ્યું છે. ચીનના રાજ્ય પ્રસારણકર્તા સીસીટીવીએ અહેવાલ આપ્યો છે કે ડિસેમ્બરના અંતમાં ચાઇનીઝ સીડીસીના ડેટા અનુસાર, 14 વર્ષ અને તેનાથી ઓછી વયના કેસોમાં hMPVનો સકારાત્મક દર તાજેતરમાં વધ્યો છે. નાના બાળકો, વૃદ્ધો અને નબળી રોગપ્રતિકારક શક્તિ ધરાવતા લોકો HMPV વાયરસથી વધુ પ્રભાવિત થાય છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
