Rajkot ACB Trap News: લાંચીયા બાબુઓ સામે એસીબી સતત કામગીરી કરી રહી છે તેમ છતાં કેટલાક લોકો સુધરવાનું નામ નથી લઈ રહ્યા. એસીબીના રાજકોટ એકમે એક સાથે બે ટ્રેપ કરી ત્રણ આરોપીઓને લાંચ લેતા ઝડપી લીધા હતા. મોરબીના ઘુંટુ ગામના સરપંચનો પતિ અને તલાટી રૂા. 50,000ની તથા ભાણવડ તાલુકા પંચાયતનો આસિસ્ટન્ટ વર્ક મેનેજર રૂા. 3500ની લાંચ લેતા એસીબીની ઝપટે ચડી ગયા છે.
એસીબીના જણાવ્યા પ્રમાણે ફરિયાદીનો મોરબી તાલુકાના ઘુંટુ ગામે 4 વિઘાની જમીનમાં બિનખેતી થયેલો પ્લોટ આવેલો છે. જેમાં લાકડાની પ્લેટ બનાવવાનું યુનિટ ઉભું કરવાનું હોવાથી બાંધકામ કરવાની મંજૂરી માટે ઘુટું ગ્રામ પચાયતમાં કાર્યવાહી કરી હતી. જેથી તલાટી કમ મંત્રી વિમલ સુંદરજીભાઈ ચંદ્રોલા અને ગામના સરપંચનો પતિ દેવજી હરખાભાઈ પરેચાએ રૂા. 50,000ની લાંચ માગી હતી. પરંતુ ફરિયાદી લાંચની રકમ આપવા માગતા ન હોવાથી મોરબી એસીબીમાં ફરિયાદ આપતા પીઆઈ એમ.એમ. લાલીવાલાએ ઘુટું ગ્રામ પંચાયતની કચેરીમાં ટ્રેપ ગોઠવી હતી. જે દરમિયાન બંને આરોપીઓએ ફરિયાદી સાથે હેતુલક્ષી વાતચીત કરી હતી. ત્યાર પછી તલાટી કમ મંત્રી વિમલે લાંચની રકમ સ્વીકારી હતી. તે સાથે જ ટ્રેપમાં ગોઠવાયેલ એસીબીની ટીમે વિમલ અને સરપંચ પતિ દેવજીભાઈને સ્થળ પરથી રંગેહાથ ઝડપી લીધા હતા.
બીજા કેસમાં ફરિયાદીએ રોજગાર અર્થેની મનરેગા યોજનાની વિવિધ પ્રકારની આશરે 266 યોજનાઓ પૈકી વાઢિયા ઘાસની વાવણી કરવા ઓનલાઇન ફોર્મ ભર્યું હતું. જે અંતર્ગત સરકાર દ્વારા સહાયના રૂા. 23,000 મંજૂર કરાયા હતા. જેમાંથી રૂા. 14,000ની ચૂકવણી ફરિયાદીને કરી આપી હતી. બાકી રહેલી રૂા. 9000ની સહાયની ચૂકવણી માટે ફરિયાદીએ ભાણવડ તાલુકા પંચાયતમાં આસિસ્ટન્ટ વર્ક મેનેજર તરીકે નોકરી કરતાં મિહીર વી. બારોટનો સંપર્ક કરતાં તેણે સહાયની બાકી રહેતી ચૂકવણી માટે રૂા. 3500ની લાંચ માગી હતી. લાંચની રકમ સ્વીકારતા તેઓ એસીબીના છટકામાં સપડાયા હતા.
મોરબી જિલ્લાના ઘુંટુ ગામમાં તલાટી કમ મંત્રી તરીકે ફરજ બજાવતા વિમલભાઈ સુંદરજીભાઈ ચંદ્રોલા અને પ્રજાજન ( ઘુંટુ ગામના સરપંચના પતિ) દેવજીભાઈ હરખાભાઈ પરેચા રૂ।.૫૦,૦૦૦/-ની લાંચ લેતા ઝડપાયા.
— ACB Gujarat (@ACBGujarat) October 25, 2024
Dial 1064@sanghaviharsh @Shamsher_IPS @InfoGujarat#ACBGujarat #Gujarat
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/