કચ્છઃ ભૂજમાં એક યુવતી બોરવેલમાં પડી જવાનો કિસ્સો સામે આવ્યો છે. કંદેરાઈ ગામમાં યુવતી 500 ફૂટ ઊંડા બોરવેલમાં પડી ગઇ હતી, તેનું મોત થઇ ગયું છે, ભૂજ ફાયર વિભાગની ટીમે ઘટના સ્થળે પહોંતી હતી અને બચાવ કામગીરી શરૂ કરી હતી. એસડીએમ સહિત પોલીસ અધિકારીઓનો કાફલો પણ ઘટના સ્થળે પહોંચી ગયો હતો. જો કે કલાકોની જહેમત બાદ પણ યુવતીને બચાવી શકાઇ ન હતી.
બોરવેલમાંથી અવાજ અડધો કલાક ચાલ્યો
પ્રાપ્ત માહિતી અનુસાર આ અકસ્માત સવારે 6 વાગ્યાની આસપાસ થયો હોવાનું કહેવાય છે. બોરવેલની અંદર પડી ગયેલી યુવતીની ઓળખ ઈન્દિરાબેન કાનજી મીના તરીકે થઈ છે. અધિકારીઓએ જણાવ્યું કે સવારે લગભગ 6 વાગ્યે પરિવારના સભ્યોએ નજીકના બોરવેલમાંથી અવાજ સાંભળ્યો હતો. આ પછી જ્યારે પરિવારના સભ્યો બોરવેલ પાસે પહોંચ્યા તો તેમણે જોયું કે બોરવેલમાંથી જ અવાજ આવી રહ્યો હતો. લગભગ અડધો કલાક સુધી બચાવો...બચાવોનો અવાજ આવતો હતો અને થોડીવાર પછી અવાજ બંધ થઈ ગયો હતો.
ઓક્સિજન સપોર્ટ આપવામાં આવ્યો હતો
પરિવારના સભ્યોએ આ અંગે પોલીસ અને પ્રશાસનને જાણ કરી હતી. માહિતી મળતાની સાથે જ વહીવટીતંત્ર, પોલીસ, એમ્બ્યુલન્સ અને ફાયર બ્રિગેડની ટીમો ઘટનાસ્થળે પહોંચી ગઈ હતી, યુવતીને બોરવેલની અંદર ઓક્સિજન સપોર્ટ આપવામાં આવ્યો હતો. જો કે જિંદગી આખરે હારી ગઇ હતી અને આ યુવતીનું મોત થઇ ગયું હતુ.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++