બેંગકોકઃ મ્યાનમારમાં શુક્રવારે આવેલા 7.7ની તીવ્રતાના વિનાશક ભૂકંપ બાદ આંચકા અવાર-નવાર અનુભવાઈ રહ્યા છે. શુક્રવારે મ્યાનમાર અને થાઈલેન્ડમાં 7.7ની તીવ્રતાના ભૂકંપથી મોટી તબાહી સર્જાઈ છે. મ્યાનમારમાં આવેલા ભૂકંપમાં મૃતકોની સંખ્યા વધીને 704 થઈ ગઈ છે અને ઘાયલોની સંખ્યા વધીને 1,670 થઈ ગઈ છે. નેશનલ સેન્ટર ફોર સિસ્મોલોજી (NCS) અનુસાર, શુક્રવારે રાત્રે 11:56 વાગ્યે (સ્થાનિક સમય) મ્યાનમારમાં રિક્ટર સ્કેલ પર 4.2ની તીવ્રતાનો બીજો ભૂકંપ આવ્યો હતો. એનસીએસ અનુસાર, તાજેતરનો ભૂકંપ 10 કિલોમીટરની ઊંડાઈએ આવ્યો હતો, જેના કારણે આફ્ટરશોક્સની સંભાવના છે.
શનિવારે સવારે 5:16 વાગ્યે અફઘાનિસ્તાનમાં પણ ભૂકંપના આંચકા અનુભવાયા હતા. જમીનથી 180 કિલોમીટરની ઊંડાઈએ આવેલા ભૂકંપની તીવ્રતા રિક્ટર સ્કેલ પર 4.7 માપવામાં આવી હતી. આ ભૂકંપ મ્યાનમાર અને થાઈલેન્ડમાં આવેલા શક્તિશાળી ભૂકંપના એક દિવસ પછી આવ્યો છે, જેમાં ઘણા લોકો માર્યા ગયા હતા અને ઇમારતો, બૌદ્ધ સ્તૂપ, રસ્તાઓ અને પુલો ખરાબ રીતે નાશ પામ્યા હતા.
મ્યાનમાર અને પડોશી થાઈલેન્ડમાં અનુક્રમે 7.7 અને 7.2ની તીવ્રતાના શક્તિશાળી ભૂકંપમાં ઈમારતો, પુલો અને બૌદ્ધ મઠોનો નાશ થયો હતો. મ્યાનમારમાં 144 લોકો માર્યા ગયા હતા, જ્યાં સૌથી વધુ અસરગ્રસ્ત બે શહેરોના ફોટા અને વીડિયોમાં વ્યાપક નુકસાન જોવા મળ્યું હતું. થાઈલેન્ડની રાજધાની બેંગકોકમાં 10 લોકોના મોત થયા છે, જ્યાં ભૂકંપના કારણે નિર્માણાધીન એક બહુમાળી ઈમારત ધરાશાયી થઈ ગઈ છે. મ્યાનમારમાં શુક્રવારે આવેલા 7.7ની તીવ્રતાના વિનાશક ભૂકંપમાં 704 લોકોના મોત થયા છે. જ્યારે 1670 લોકો ઘાયલ થયા છે. હજુ મોતનો આંકડો વધવાની શક્યતા છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
