પુલવામા: દિલ્હી બોમ્બ વિસ્ફોટોમાં મુખ્ય ભૂમિકા ભજવનારા ડૉ. ઉમર નબીનું ઘર તોડી પાડવામાં આવ્યું છે. દક્ષિણ કાશ્મીરના પુલવામામાં રાતોરાત થયેલા ઓપરેશનમાં ડૉ. ઉમર નબીનું ઘર જમીનદોસ્ત કરી દેવામાં આવ્યું છે.
હેન્ડલર્સ સાથે વાતચીતના અહેવાલો પછી કાર્યવાહી
સૂત્રોના જણાવ્યા અનુસાર મુઝમ્મિલ, ઉમર ઉન નબી અને ડૉ. શાહીન બે હેન્ડલર્સ સાથે વાતચીત કરતા હતા. તેમનું નામ ડૉ. ઓકાસા અને ડૉ. હાશિમ ઉર્ફે આરિફ નિસાર છે. તેમના કોડ નામ ઓકાસા અને આરિફ નિસાર છે. આરીફ નિસાર પાકિસ્તાની હેન્ડલર છે, જ્યારે ઓકાસા તુર્કી હેન્ડલર છે, અથવા કદાચ બંને હેન્ડલર એક જ છે. તેઓ સેશન એપ, ટેલિગ્રામ, સિગ્નલ અને અન્ય એપ દ્વારા વાતચીત કરતા હતા.
વિસ્ફોટમાં ઉમર નબીના ટુકડા થઈ ગયા હતા
13 નવેમ્બરના રોજ, એવું બહાર આવ્યું કે દિલ્હી બોમ્બ વિસ્ફોટોમાં કાર ચલાવનાર શંકાસ્પદ આતંકવાદી ડૉ. મોહમ્મદ ઉમર નબીનું મોત થયું છે. વિસ્ફોટમાં તેના શરીરના ટુકડા થઈ ગયા હતા. ફક્ત એક અંગૂઠો અને એન્જિનના ભાગો સાથે ચોંટેલા માંસના ટુકડા જ મળ્યાં હતા. વિસ્ફોટમાં તેનું બાકીનું શરીર ઉડી ગયું હતું. એન્જિનના ભાગો સાથે ચોંટેલા શરીરના ભાગો, પંજા અને માંસના ટુકડાઓના ડીએનએ પરીક્ષણથી જાણવા મળ્યું કે કાર વિસ્ફોટમાં મૃત્યુ પામેલો વ્યક્તિ ઉમર નબી હતો.
10 નવેમ્બરની સાંજે, દિલ્હીના લાલ કિલ્લા પાસે એક કાર બોમ્બ વિસ્ફોટ થયો, જેમાં 12 લોકો માર્યા ગયા અને 20 થી વધુ ઘાયલ થયા છે. આ ઘટના પછી પાડવામાં આવેલા દરોડામાં દેશભરમાંથી ઘણા શંકાસ્પદ લોકોની ધરપકડ કરવામાં આવી છે અને સર્ચ ઓપરેશન હાથ ધરવામાં આવી રહ્યું છે.