વડોદરા: 50 લાખ રૂપિયાની લાંચના કેસમાં CBI ની મોટી કાર્યવાહી, GAILના એક્ઝિક્યુટિવ ડાયરેક્ટર સહિત 5 ની ધરપકડ કરાઇ

નવી દિલ્હીઃ સીબીઆઇની ટીમે 50 લાખ રૂપિયાની લાંચના કેસમાં મોટી કાર્યવાહી કરી છે, જેમાં ગેઇલના એક્ઝિક્યુટિવ ડાયરેક્ટર કે.બી.સિંહની ધરપકડ કરવામાં આવી છે.તેમની સાથે અન્ય 4 લોકોની પણ ધરપકડ કરવામાં આવી છે.નોઈડા, દિલ્હી, વિશાખાપટ્ટનમમાં સીબીઆઇએ દરોડા કરીને તપાસ હાથ ધરી છે. નોઇડામાં સેક્ટર 72 માં કે.બે.સિંહના નિવાસસ્થાને પણ દરોડા કરવામાં આવ્યાં હતા.

ગેસ પાઈપલાઈનના કોન્ટ્રાક્ટમાં આ ભ્રષ્ટાચાર કરાયો હતો અને 50 લાખ રૂપિયાની લાંચ કોઇ કંપની પાસેથી લેવામાં આવી આ કેસમાં વડોદરાના એડવાન્સ ઈન્ફ્રાસ્ટ્રક્ચરના ડિરેક્ટર સુરેન્દ્ર કુમારની ધરપકડ કરવામાં આવી છે,તેમને પણ કોન્ટ્રાક્ટ મેળવવા માટે લાંચ આપી હતી.

હાલમાં આ કેસની તપાસમાં અન્ય નામો આવે તેવી શક્યતા છે. સીબીઆઇએ કેટલાક દસ્તાવેજો, મોબાઇલ અને ડિઝિટલ સામગ્રી જપ્ત કરી છે. ગેઇલના અનેક કામોમાં આવા કરોડો રૂપિયાના ગોટાળા બહાર આવે તેવી શક્યતા છે.