IPS હરેશ દુધાતના નાનાભાઈ વિપુલ દુધાતે દારૂબંધી સામે ઉઠાવ્યા ગંભીર સવાલ- Gujarat Post

ગાંધીનગર IBના એસપી IPS હરેશ દુધાતના ભાઈ વિપુલ દૂધાતએ દારૂના વેંચાણ સામે મોરચો માંડ્યો

Amreli News: ગુજરાતમાં દારૂબંધી (liquor ban in Gujarat) માત્ર કાગળ પર જ છે. રાજ્યમાં દેશી સહિત વિદેશી દારૂ છૂટથી મળે છે. આ દરમિયાન અમરેલીના લીલીયામાં IPS હરેશ દુધાતના (IPS Haresh Dudhat) નાનાભાઈ વિપુલ દુધાતે (Vipul Dudhat) દારૂબંધીની પોલ ખોલી છે. જેને લઈ પોલીસ બેડામાં અને ભાજપમાં ખળભળાટ મચી ગયો છે.

જીલ્લા પંચાયતના ભાજપના સદસ્ય વિપુલ દુધાતે લીલીયામાં દેશી દારૂ સાથે 2 યુવાનોને પકડી પાડ્યાં હતા. બાઈકમાંથી દેશી દારૂની પોટલીઓ મળી આવી હતા. દેશી દારૂ વેચનારા ઈસમોને ભાજપ નેતા વિપુલ દુધાતે પકડી પોલીસને બોલાવી હતી. અમરેલીના લીલીયા તાલુકામાં છાશની માફક દારૂનું વેચાણ થતું હોવાનો મેસેજ પણ વિપુલ દુધાતે જાહેર કર્યો હતો.

લીલીયામાં ભાજપ નેતા વિપુલ દુધાત દ્વારા બાઈક ચાલક પાસેથી દારૂ ઝડપવાના મામલા બાદ ગત મોડી રાતે લીલીયા પોલીસે 19 લિટર દેશી દારૂ સાથે 2 ઈસમોને ઝડપી લીધા હતા. બંને ઈસમો પાસેથી 19 લીટર દેશી દારૂ કિંમત રૂ.380 બાઈક મળી કુલ રૂ.30380ના મુદામાલ કબ્જે કર્યો છે. 

અમારી મોબાઇલ એપ ડાઉનલોડ કરોઃ

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526