અમદાવાદઃ ફરિયાદીના સગાએ નેગોશિયેબલ કોર્ટ, લાલદરવાજા, અમદાવાદ ખાતે ફરીયાદ કરી હતી. જે અન્વયે નેગોશિયેબલ એક્ટની કલમ-138 મુજબના ત્રણ વોરંટ નીકળેલ જેની બજવણી કરવા સદર ગુનાના ફરીયાદી અમરાઇવાડી પોલીસ સ્ટેશન ખાતે ગયા હતા અને વોરંટની બજવણી કરતા આરોપી કિશનકુમાર કાનદાશ અગ્રાવત, અનાર્મ હેડ કોન્સ્ટેબલ, અમરાઈવાડી પોલીસ સ્ટેશને મળ્યાં અને વોરંટ આપી બજવણી કરવા વિનંતી કરી હતી.
તે સમયે આરોપી કિશનકુમાર તથા આરોપી કેતન જોષી (હોમગાર્ડ) બંનેએ વોરંટની બજવણી કરવા માટે રૂ. 3000 ની લાચની માંગણી કરી હતી અને તે લાંચના નાણાં આરોપી વિષ્ણુભાઇ કાશીરામ પટેલ, પ્રજાજને આપી દેવા જણાવ્યું હતું. જે લાંચની રકમ ફરિયાદી આપવા માગતા ન હોવાથી એ.સી.બી નો સંપર્ક કરતા આજરોજ લાંચના છટકાનું આયોજન કર્યું હતું.
જે છટકા દરમિયાન આરોપી કિશનકુમાર અને આરોપી કેતન જોષીના કહેવાથી આરોપી વિષ્ણુ રૂ.3000 સ્વીકારતા ચંન્દ્ર સ્ટુડીયો, અમરાઈવાડી પોલીસ સ્ટેશન સામે, અમદાવાદમાં એસીબીએ પકડી પાડ્યો હતો. આરોપી કિશનકુમાર તથા આરોપી કેતન જોષી (હોમગાર્ડ) હાજર મળી આવ્યાં ન હતા.
ટ્રેપીંગ ઓફીસર: વી.ડી.ચૌધરી પો.ઇન્સ.અમદાવાદ શહેર એ.સી.બી.પો.સ્ટે
સુપર વિઝન અધિકારી: એમ.એચ.પુંવાર મદદનીશ નિયામક એ.સી.બી, અમદાવાદ એકમ
ઈન્ચાર્જ અધિકારી: હરેશ મેવાડા નાયબ નિયામક એ.સી.બી. અમદાવાદ
