પેશાવર: પાકિસ્તાનના ખૈબર પખ્તુનખ્વા પ્રાંતમાં સ્વાત નદીમાં એક પરિવારના 18 લોકો ડૂબી ગયા છે. આ ઘટનાથી ભારે હોબાળો મચી ગયો છે. આ ઘટના શુક્રવારે બની હતી. અહીં સ્વાત નદીમાં અચાનક આવેલા પૂરમાં એક પરિવારના 18 લોકો ડૂબી ગયા હતા, જેમાંથી ચાર લોકોના મૃતદેહ મળી આવ્યાં છે. જ્યારે અન્ય લોકોની શોધ ચાલુ છે. બચાવ કામગીરીના અધિકારીઓએ આ માહિતી આપી.
બચાવ કામગીરી ચાલુ છે
રેસ્ક્યૂ-1122ના ડિરેક્ટર જનરલ શાહ ફહાદને ટાંકીને કહેવામાં આવ્યું છે કે, પાંચ અલગ અલગ સ્થળોએ બચાવ કામગીરી ચાલી રહી છે અને રેસ્ક્યૂ 1122ના 80 કર્મચારીઓ આ કામગીરીમાં સામેલ છે. પ્રારંભિક માહિતી અનુસાર, આ પરિવાર આ વિસ્તારની મુલાકાતે આવેલા પ્રવાસીઓના જૂથનો ભાગ હતો અને ભારે વરસાદને કારણે નદીના પાણીનું સ્તર વધી જતાં તે નદીમાં ફસાઈ ગયો. સ્વાત નદી અહીં પાકિસ્તાનના ખૈબર પખ્તુનખ્વા પ્રાંતના ઉત્તરીય વિસ્તારમાં વહે છે. અન્ય ગુમ થયેલા લોકોને શોધવા માટે મોટા પાયે શોધખોળ કામગીરી હજુ પણ ચાલુ છે.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++