નવી દિલ્હીઃ કેન્દ્રીય નાંણા મંત્રી નિર્મલા સીતારમણે મંગળવારે લોકસભામાં કેન્દ્રીય બજેટ 2024 રજૂ કર્યું. આજે મોદી 3.0નું પહેલું સામાન્ય બજેટ સંસદમાં રજૂ કરવામાં આવ્યું. આ બજેટમાં બિહારથી લઈને આંધ્રપ્રદેશ સુધી ઘણી મોટી જાહેરાતો કરવામાં આવી છે. આ સાથે મોદી સરકાર યુવાનો, ખેડૂતો, મહિલાઓ અને ગરીબો માટે ઘણી મોટી યોજનાઓ પણ લાવી છે. ચાલો જાણીએ કે નાણામંત્રી નિર્મલા સીતારમણના બોક્સમાંથી શું રાહત, યોજનાઓ અને સુવિધાઓ બહાર આવી છે.
નિર્મલા સીતારમણે બજેટમાં કહ્યું કે ટેક્સ સ્લેબમાં ફેરફારથી પગારદાર કર્મચારીઓને રૂ. 17,500 રૂપિયાનો લાભ મળશે.
કેન્દ્રીય નાણામંત્રી નિર્મલા સીતારમણે કહ્યું કે કસ્ટમ ડ્યૂટી માળખાની વ્યાપક સમીક્ષા આગામી 6 મહિનામાં કરવામાં આવશે. ઈ-કોમર્સ પર TDS રેટ ઘટાડીને 0.1% કરવામાં આવશે. નાણાપ્રધાને દરખાસ્ત કરી કે દાન માટેની બે કર મુક્તિ પ્રણાલીઓને એકમાં મર્જ કરવામાં આવે. આ સાથે એવું પણ કહેવામાં આવ્યું છે કે ટેક્સ ભરવાની તારીખ સુધી ટીડીએસમાં વિલંબને ગુનાની શ્રેણીમાંથી દૂર કરવામાં આવશે.
નાણાપ્રધાન નિર્મલા સીતારમણે કહ્યું કે નવી કર વ્યવસ્થા પસંદ કરનારા પગારદાર કર્મચારીઓની પ્રમાણભૂત કપાત 50,000 રૂપિયાથી વધારીને 75,000 રૂપિયા કરવામાં આવશે.
7 થી 10 લાખ રૂપિયાની આવક પર 10 ટકા ટેક્સ
બજેટમાં ટેક્સ સ્લેબ આ રીતે જાહેર કરવામાં આવ્યાં છે
3 લાખ રૂપિયાની આવક પર કોઈ ટેક્સ નથી
3 થી 7 લાખ રૂપિયાની આવક પર 5 ટકા ટેક્સ
10 થી 12 લાખ રૂપિયાની આવક પર 15 ટકા ટેક્સ
12 થી 15 લાખ સુધીની આવક પર 20 ટકા ટેક્સ
15 લાખથી વધુની આવક પર 30 ટકા ટેક્સ
નાણાપ્રધાને નવી કર વ્યવસ્થા માટે આવકવેરા અંગે પણ મોટી જાહેરાત કરી છે. હવે 75 હજાર રૂપિયા સુધી સ્ટાન્ડર્ડ ડિડક્શન. હવે 3 લાખ રૂપિયા સુધી કોઈ ટેક્સ નહીં લાગે. મધ્યમ વર્ગને મૂડી લાભમાં છૂટ મળશે. સ્ટાર્ટઅપ્સને મોટી રાહત મળી છે. એન્જલ ટેક્સ નાબૂદ કરવામાં આવ્યો છે.
નાણામંત્રીએ લોકસભામાં કહ્યું કે GSTથી સામાન્ય માણસ પર ટેક્સનો બોજ ઓછો થયો છે, ઉદ્યોગ માટે લોજિસ્ટિક્સ ખર્ચમાં ઘટાડો થયો છે, આ એક મોટી સફળતા છે. સરકારનું લક્ષ્ય 2025-26માં રાજકોષીય ખાધને ઘટાડીને 4.5 ટકા કરવાનું છે. નાણાકીય વર્ષ 2025માં કુલ પ્રાપ્તિ 32.07 લાખ કરોડ રૂપિયા હોવાનો અંદાજ છે, ખર્ચ 48.21 લાખ કરોડ રૂપિયા રહેવાનો અંદાજ છે.
કંપનીઓ પર કોર્પોરેટ ટેક્સ ઘટાડવાની જાહેરાત કરવામાં આવી છે. બજેટમાં કહેવામાં આવ્યું છે કે વિદેશી કંપનીઓનો કોર્પોરેટ ટેક્સ 40 થી ઘટાડીને 35 ટકા કરવામાં આવશે.
નાણામંત્રી સીતારમણે બજેટમાં જાહેરાત કરતી વખતે TDSમાં છૂટ આપી છે. નાણામંત્રીએ કહ્યું કે હવે TDS ભરવામાં વિલંબ પર કોઈ ફોજદારી કાર્યવાહી થશે નહીં.
નિર્મલા સીતારમણે બજેટમાં જાહેરાત કરી છે કે ચામડાના ચંપલ અને પર્સ સસ્તા થશે. આ સાથે સોનું અને ચાંદી પણ સસ્તું થશે. આયાતી જ્વેલરી સસ્તી થશે. ઇલેક્ટ્રિક વાહનો, મોબાઈલ ફોન, ચાર્જર સસ્તા થશે
ઘરેલુ ઉત્પાદનને પ્રોત્સાહન આપવા માટે બજેટમાં કસ્ટમ ડ્યૂટીમાં ફેરફાર કરવામાં આવ્યો છે. સોલાર પેનલ, સોલાર, ઇલેક્ટ્રિક વાહનો, મોબાઈલ ફોન, ચાર્જર વગેરે સસ્તા થશે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526