નવી દિલ્હીઃ હવે CBIએ NEET પેપર લીક કેસમાં મોટી માછલીઓની શોધખોળ શરૂ કરી છે. તપાસ એજન્સીનું માનવું છે કે NEET પેપર લીક થવાથી લઈને તેને અલગ-અલગ રાજ્યોમાં ફેલાવવાનું કામ માત્ર એક જ વ્યક્તિ કરે છે. તપાસ એજન્સી (CBI) NEET પેપર લીક કેસના મુખ્ય આરોપી સંજીવ મુખિયા અને NTAમાંથી પેપર લીક કરનાર મુખ્ય આરોપી સુધી પહોંચવાનો પ્રયાસ કરી રહી છે. આ માટે આરોપીઓના કનેકશન શોધવામાં આવી રહ્યાં છે.
CBIની ટીમ સંજીવ મુખિયાના ઘરે પહોંચી હતી
CBIને શંકા છે કે એક જ વ્યક્તિએ NEET પેપર લીક કર્યું હતું અને તેને બિહાર સહિત ઘણા રાજ્યોમાં ફેલાવ્યું હતું. આ સંબંધમાં સીબીઆઈની ટીમ ગઈકાલે રાત્રે નાલંદા જિલ્લાના નાગરનૌસા બ્લોકમાં સંજીવ મુખિયાના ગામમાં પણ પહોંચી હતી.
સિકંદર યાદવેન્દુના ઠેકાણા અંગે પૂછપરછ
સીબીઆઈએ સમસ્તીપુરના બિથાનમાં સિકંદર યાદવેન્દુના પૈતૃક ઘરની મુલાકાત લઈને પણ માહિતી એકત્રિત કરી છે. આ સિવાય સીબીઆઈએ અન્ય બે આરોપી મનીષ અને આશુતોષની પણ તેમના ઘરે પહોંચીને પૂછપરછ કરી છે.
ટીમ આજે ચિન્ટુ-મુકેશને કસ્ટડીમાં લેશે
આજથી બંને આરોપીઓના રિમાન્ડની મુદત શરૂ થઈ રહી છે. CBI આજે બૈર જેલમાં જઇને ચિન્ટુ અને મુકેશને પોતાની કસ્ટડીમાં લેશે. સીબીઆઈએ બંનેની પૂછપરછ માટે 4 જુલાઈ સુધીના રિમાન્ડ મેળવ્યાં છે.
કુરિયર સ્ટાફ અને ઈ-રિક્ષા ચાલકને ટ્રેક કર્યા
CBIની ટીમ હજારીબાગમાં શંકાના દાયરામાં રહેલા લોકોની પૂછપરછ કરી રહી છે. સીબીઆઈએ બ્લુ ડાર્ટ કુરિયરના સ્ટાફ અને ઈ-રિક્ષાના ડ્રાઈવરને પણ ટ્રેક કર્યા છે. તેની પણ પૂછપરછ કરવામાં આવી રહી છે.
કોણ છે સંજીવ મુખિયા ?
સંજીવ મુખિયાનું નામ 2010 થી ઘણા પરીક્ષા પેપર લીક કેસમાં સામે આવી રહ્યું છે. સંજીવ મુખિયાએ પહેલા બિહારના સૌથી મોટા એજ્યુકેશન માફિયા રણજીત ડોન સાથે કામ કર્યું, પછી તેણે પોતાની ગેંગ બનાવી. તાજેતરમાં BPSC પરીક્ષાનું પેપર સંજીવ મુખિયા અને તેની ગેંગ દ્વારા લીક થયું હતું. BPSC પરીક્ષા પેપર લીક કેસમાં સંજીવના પુત્ર ડૉ.શિવ કુમાર ઉર્ફે બિટ્ટુની ધરપકડ કરવામાં આવી હતી, જે હાલ જેલમાં છે. સંજીવ મુખિયાની પેપર લીક ગેંગનું નેટવર્ક બિહારના નાલંદાથી ચાલે છે અને આ નેટવર્ક સમગ્ર દેશમાં ફેલાયેલું છે. સંજીવ મુખિયાની પત્ની મમતા દેવી 2020માં લોક જન શક્તિ પાર્ટીની ટિકિટ પર ચૂંટણી લડી ચૂકી છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526