ભગવાન જગન્નાથ રાજવી વેશમાં નગર ભ્રમણે નીકળ્યાં હતા
અમદાવાદઃ 147મી રથયાત્રા શાંતિપૂર્ણ માહોલમાં પુર્ણ થઇ છે. ભગવાન જગન્નાથ, બહેન સુભદ્રા અને મોટા ભાઈ બલરામ શહેરની નગરચર્ચાએ ભવ્ય રથ પર સવાર થઇ નીકળ્યાં હતા. આ અવસરે ગૃહમંત્રી અમિત શાહ પણ પહોંચ્યાં હતા અને પરિવાર સાથે તેમણે ભગવાન જગન્નાથજીની આરતી કરી હતી. વહેલી સવારથી જ મંદિરમાં ભક્તિમય માહોલ હતો, ભક્તોની ભીડ ઉમટી પડી હતી અને જય જગન્નાથનો નાદ સંભળાઈ રહ્યો હતો.
મુખ્યમંત્રી ભૂપેન્દ્ર પટેલે પહિંદ વિધિ કરી હતી. જે બાદ રથયાત્રાની શરૂઆત થઈ હતી. આ પહેલા સવારે 4 કલાકે કેન્દ્રીય ગૃહમંત્રી અમિત શાહે વર્ષોની તેમની પરંપરા મુજબ મંગળા આરતીમાં ભાગ લીધો હતો. આ સમયે તેમનો પરિવાર પણ ઉપસ્થિત રહ્યો હતો.
અષાઢી બીજના પાવન પર્વે અમદાવાદમાં ૧૪૭ મી રથયાત્રાના અવસરે પહિંદ વિધિ કરીને ભગવાનની રથયાત્રાને પ્રસ્થાન કરાવવાનું પરમ સૌભાગ્ય પ્રાપ્ત થયું.
— Bhupendra Patel (@Bhupendrapbjp) July 7, 2024
ભગવાન સમક્ષ ગુજરાતના અને દેશના લોકોની સુખ, શાંતિ, સમૃદ્ધિ, એકતા અને સર્વાંગીણ વિકાસની પ્રાર્થના કરી. pic.twitter.com/TjcIYPzHuI
રથયાત્રાને લઈ મુખ્યમંત્રી ભૂપેન્દ્ર પટેલ, પ્રધાનમંત્રી નરેન્દ્ર મોદી, ગૃહમંત્રી અમિત શાહ સહિત અનેક નેતાઓએ શુભકામના પાઠવી.
જય જગન્નાથ!
— Amit Shah (@AmitShah) July 7, 2024
દર વર્ષની જેમ આજે પણ ભગવાન જગન્નાથજીની રથયાત્રાના શુભ અવસર પર અમદાવાદ સ્થિત શ્રી જગન્નાથ મંદિરની મંગળા આરતીમાં સહભાગી થવાનું સૌભાગ્ય મળ્યું. મંગળા આરતીમાં હંમેશા અપાર શાંતિ અને નવી ઉર્જાની અનુભૂતિ થાય છે. ભગવાન જગન્નાથજી પાસે સૌના કલ્યાણ માટે પ્રાર્થના કરું છું. pic.twitter.com/udgRk0S3SD
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
